گه‌ڕان

Shadow Shadow
سیاسه‌تی

سلێمانى؛ هەڵمەتى دەستگيركردنى ئەوانەى بەناوى سواڵكردنەوە لەشفرۆشى دەكەن بەردەوامە

2020.09.26 - 20:07
سلێمانى؛ هەڵمەتى دەستگيركردنى ئەوانەى بەناوى سواڵكردنەوە لەشفرۆشى دەكەن بەردەوامە

ناس کورد-

پۆليسى سلێمانى تەئكيد دەكاتەوە، هەڵمەتى دەستگيركردنى ئەوانەى بەناوى سواڵكردن و شت فرۆشتنەوە لە ترافيكەكان و سەر جادەكان كارى لەشفرۆشى دەكەن بەردەوامە و ئەوانەشى دەستگيركراون دراون بە دادگا.

 

لەماوەى ڕابردوودا هێزە ئەمنيیەكانى شارى سلێمانى هەڵمەتێكيان بۆ دەستگيركردنى ئەو کەسانەی لە سەر جادە و ترافيكەكاندا بەناوى سواڵكردن و شت فرۆشتنەوە لەشفرۆشى دەكەن دەستپێكرد و دەيانيان لێ دەستگير كرا.

 

لە بارەى هەڵمەتەكەوە، سەركەوت ئەحمەد، وتەبێژى پۆليسى پارێزگاى سلێمانى بە "ناس كورد"ى ڕاگەياند: "هەڵمەتەكە بەردەوامە و لەسەرەتای ئەمساڵەوە تا ئەو كاتەى كەرەنتين و قەدەغەى هاتوچۆ ڕاگەيەنرا 80 ژن و پياومان دەستگير كردبوو."

 

وتيشى: "لەماوەى رابردودا كەرەنتين و قەدەغەى هاتووچۆ بووە و بەهۆى ئەوەشەوە ئەو كارەش نەما، بەڵام هەڵمەتەكە بەردەوامە و ئەو ژمارەيەش زيادى كردووە، شەو و ڕۆژيش هێزەكانمان چاودێڕى دەكەن و لەهەر شوێنێك ببينرێن دەستگير دەكرێن." 

 

سەبارەت بە چارەنوسى ئەو كەسانەى دەستگير كراون سەركەوت ئەحمەد وتى، ئەوانە دراون بە دادگا و ئەوانەى جارێكى تر دەستگيرگيراون زانياريەكانيان دراوەتە دادگا و دادگاى زيندانيان دەكات، ئەوانەشى يەكەمجاريانە بە سپاردە ئازاد دەكرێن و مەلەفيان دەچێتە دادگا و ڕێوشوێنەكان لەگەڵياندا بەردەوام دەبێت.