گه‌ڕان

Shadow Shadow
سیاسه‌تی

مەرج و رێوشوێنەكانی خولەكانی ئینگلیزیی زانكۆ بڵاوكرانەوە

2020.09.26 - 17:41
مەرج و رێوشوێنەكانی خولەكانی ئینگلیزیی زانكۆ بڵاوكرانەوە

ناس کورد-

ناوەندی زمان و كلتورى زانكۆى سلێمانى مەرج و رێوشوێنەكانی خولەكانی ئینگلیزی زانكۆی بڵاوکردەوە و ڕایگەیاند، ناونوسین بەشێوەی ئۆنڵاین دەبێت و تەنها ئەو کەسانە نەبێت کە خولی تەواوکارییان پێویستە، پێویستە سەردانی سەنتەرەکانی زمان بکەن بۆ ناو تۆمارکردن.

 

مەرج و ڕێنماییەکان بەمشێوەیەیە:

 

١-  ناونوسین بە شێوەی ئۆنلاین دەبێت بە فۆرمێکی تایبەت  (سبەی، یەک شەممە فۆرمەکە بڵاو دەکرێتەوە)

 

٢- بۆ ئەو بەڕێزانەی کە تاقیکردنەوەی دیاریکردنی ئاستیان ئەنجامداوە لە ٢٠٢٠/١/١٨ ، ڕیزبەندی بەشداربوون بەم شێوەیە دەبێت:

ا-خوازیارانی نازناوی زانستی

ب-وەرگیراوان لە خوێندنی باڵا (ماستەر/ دکتۆرا)

ج-ئەو کەسانەی خۆیان ئامادە دەکەن بۆ خوێندنی باڵا

 

٣-لیستی ئەو بەڕێزانەی کە تاقیکردنەوەی نێودەوڵەتیان هەیە و لە لیستی چاوەڕوانی سەنتەرەکان ناوی خۆیان تۆمار کردووە بەپێی هەمان ڕیزبەندی خاڵی دوو چانسی بەشداریکردنیان دەبێت.

 

٤- ئەو بەڕێزانەی کە گفتوگۆی ماستەرنامە یاخود تێزی دکتۆرایان کردووە و سەرجەم پێداویستیەکانی بڕوانامەیان تەواوکردووە جگە لە زمانی ئینگلیزی، تکایە سەردانی سەنتەرەکان بکەن بە مەبەستی ناونوسین و وەرگرتنی ڕێنمایی پێویست.

 

ئاماژە بەوەشكراوە،  بەشداربووانی خولەکانی تەواوکاری پێویستە سەردانی سەنتەرەکانی زمان بکەن بە مەبەستی ناو تۆمارکردن بۆ ئەو ئاستانەی کە ماویانە.