گه‌ڕان

Shadow Shadow
سیاسه‌تی

لە دوای ساڵی 2014 یەكەم دەركەوتنیەتی

ئەبوبەكر بەغدادی دەركەوتەوە

2019.04.30 - 10:59
App store icon Play store icon Play store icon
ئەبوبەكر بەغدادی دەركەوتەوە

کەناڵی ناس کورد لە تێلیگرام جۆین بکە   

ناس كورد- شەوی ڕابردوو دامەزراوەی "فورقان" كە میدیای فەرمی ڕێكخراوی داعشە لە چەناڵی ڕێكخراوەكە لە ماڵپەڕی كۆمەڵایەتی تێلیگرام تۆمارێكی ڤیدیۆیی ئەبوبەكر بەغدادی سەرۆكی ڕێكخراوی داعشی بڵاوكردەوە. ئەمە دووەمین جارە تۆماری ڤیدیۆیی ئەبوبەكر بەغدادی بڵاوببێتەوە لە دوای ساڵی 2014 و دەركەوتنی لە یەكەم تۆماری ڤیدیۆییدا لە مزگەوتێكی شاری موسڵ ئیتر بەهیچ شێوەیەك دەرنەكەوتەوە تا شەوی ڕابردوو. تۆمارەكە بە ناونیشانی "لە میوانی ئەمیری موسڵماناندا" بڵاوبووەتەوە و بەغدادی بە ڕیشێكی درێژی خەنەكراوەوە دەردەكەوێت، بەڵام هیچكام لە میوانەكانی دەموچاویان ئاشكرا نەكراوە. بەغدای لە تۆمارە ڤیدیۆییەكەدا دەڵێت: "براكانتان كە دانیان بە خۆیاندا گرت و قورسایی زۆریان لەسەر بووە لەو جەنگەدا". لە گرتە ڤیدیۆییەكەدا بەغدادی پەیامێك ئاڕاستەی ئەندامانی داعش دەكات و تێیدا ئاماژە بە كۆتایی هاتنی شەڕی باغۆز و بەردەوامی شەڕی ئایینەكان دەكات. ئەگەرچی مێژووی تۆمارە ڤیدیۆییەكە نازانرێت، بەڵام بەو پێیەی ئاماژە بەشەڕی باغۆز دەكات، پێدەچێت تۆمارەكە نوێ بێت. دەركەوتنی ئەبوبەكر بەغدادی بەو شێوەیە پێدەچێت گەڕانەوە بێت بۆ سەر شێوازی كاری تیرۆرستی بچڕ بچڕ، وەك ئوسامە بن لادن و زەرقاوی، ئەمەش دوای ئەوەی ڕێكخراوی داعش لە هەریەك لە وڵاتانی عێراق و سوریا شكستی هێنا. ئەبوبەكر بەغدادی ناوی تەواوی "ئیبراهیم عەواد ئێبراهیم عەلی بەدری سامەڕائییە" و سەرۆكی ڕێكخراوی داعشە لە سوریا و عێراق، لە ساڵی 1971 لە نزیك قەزای سامەڕای سەر پارێزگای سەڵاحەدین لە دایك بووە.