گه‌ڕان

Shadow Shadow
سیاسه‌تی

لەسلێمانی بە ئارپیجی هێرشکرایەسەر کۆمەڵەی زەحمەتکێشانی کوردستان

2020.09.25 - 11:50
App store icon Play store icon Play store icon
لەسلێمانی بە ئارپیجی هێرشکرایەسەر کۆمەڵەی زەحمەتکێشانی کوردستان

ناس کورد-

لەڕیگەی ئارپیجییەوە ناوەندی سەرکردایەتیی کۆمەڵەی زەحمەتکێشانی کوردستان لەشاری سلێمانی کرایە ئامانج و بەرپرسی ڕاگەیاندنی حزبەکەش دەڵێت، جگە لە کۆماری ئیسلامی ئێران هیچ کەسی دیکە ئەو کارە ناکات.

کەناڵی ناس کورد لە تێلیگرام جۆین بکە   

 

نەوید مھرئاوەر، بەرپرسی ڕاگەیاندنی کۆمەڵەی زەحمەتکێشانی کوردستان بە ناس کوردی ڕاگەیاند: "درەنگانی شەوی ڕابردوو بەدیاریکراوی کاتژمێر 12:38 خولەک، لەسەر ڕێگای قەراغ _ سلێمانییەوە، بە ئارپیجی هێرش کرایە سەر ناوەندی سەرکردایەتیی کۆمەڵەی زەحمەتکێشانی کوردستان لە بانە گەورە."

 

وتیشی: " خۆشبەختانە پێش ئەوەی ئارپیجییەکە بگاتە ئامانجی مەبەست، تەقییەوە و هیچ زیانێکی گیانی و ماڵی لێ نەکەوتەوە، تەنها هەندێک پوش و پاوان ئاگری تێپەربوو، خێرا ئاگرەکەشمان کۆنتڕۆڵ کرد و نەمانهێشت تەشەنە بکات"

 

بەرپرسی ڕاگەیاندنی کۆمەڵە ئاماژەی بەوەشكرد: "هەردوای ڕووداوەکە، ئاسایش هاتنە شوێنەکە و دەستیان بە لێکۆڵینەوە کرد، بەڵام هیج کەس دەستگیرنەکراوە لەسەر ڕووداوەکە."

 

ئەو بەرپرسەی کۆمەڵە جەختیشیکردەوە: "ئێمە لەهیچ شوێنێکی دنیا و کوردستان هیچ کەس بە دوژمنی خۆمان نازانین، جگە لە کۆماری ئیسلامی ئێران، بۆیە تەنها گومانمان لەوانە و جگە لە کۆماری ئیسلامی ئێران هیچ کەس و لایەنێکی دیکە کاری واناکات."

 

بەوتەی نەوید میهراوەر، لەماوەی زیاتر لە پێنج ساڵی ڕابردوودا ئەمە یەکەمین جارە هێرشی لەو جۆرەیان بکرێتەسەر.