ناس کورد-
بۆ زيادكردنى داهات بۆ بودجە، پەرلەمانى عێراق چەند بڕيارێكى سەبارەت بە هێڵەكانى پەيوەندى دەركرد و حكومەت و وەزارەتى پەيوەندیيەكانى بە چەند بڕيارێك ناچار كرد.
کەناڵی ناس کورد لە تێلیگرام جۆین بکە
پەرلەمانى عێڕاق لە بڵاوكراوەيەكدا ئاماژەى بەوەداوە، لە پێناو كردنەوەى دەرگاى ڕكابەرى و زيادكردنى داهاتى بودجەى فيدراڵى چەند بڕيارێكى داوە.
لە يەكێك لە بڕيارەكاندا هاتووە، حكومەت پابەند دەكرێت كە كۆمپانيايەكى هاوبەشى نيشتمانى بۆ پەيوەنديیەكان دابمەزرێنێت و مۆڵەتى خزمەتگوزارى تۆڕەكانى مۆبايلى بداتێ.
لە بڕيارێكى دیکەی پەرلەمانی عێراقدا هاتووە، وەزارەتى پەيوەنديیەكان و دەستەى ڕاگەياندن و پەيوەنديیەكان و لايەنە پەيوەنديدارەكان پابەند دەكرێن پێداويستييە دارايى و هونەريى و ياسايى و ئيدارييەكان بۆ سەرجەم دامەزراوەكان دابين بكرێت، ئەوەش بەپێى تايبەتمەندييەكانيان.
