گه‌ڕان

Shadow Shadow
سیاسه‌تی

وەک هەوڵێک بۆ بەهێزکردنى سنورەکانى نێوان ئەو دوو وڵاتە

کۆتایهێنان بە کارى قاچاخچێتى سنورەکان بەرپرسانى ئێران و عێراقى کۆکردەوە 

2020.09.23 - 23:49
کۆتایهێنان بە کارى قاچاخچێتى سنورەکان بەرپرسانى ئێران و عێراقى کۆکردەوە 

ناس کورد-

لە كۆبونەوەيەكى هاوبەشى نێوان سەركردە ئەمنيەكانى عێراق و ئێراندا، هەردولا گفتوگۆيان لەسەر بەهێزكردنى هاريكاریى هاوبەش لە ناوچە سنوريەكان و كۆتايى هێنان بە كارى قاچاخچێتى كرد.

 

سەرچاوەكانى هەواڵى ئێران بڵاويانكردەوە، كۆبوونەوەيەكى هاوبەش لەنێوان "يەيحا ئيلاهى" فەرماندەى سوپاى پاسداران لە پارێزگاى كرماشان و "عەبدولهادى محەمەد مەحبوبە" فەرماندەى ناوچە سنوريەكانى عێراق ئەنجامدراوە.

 

ئەوەش باسكراوە، كۆبونەوەكە لە دەروازەى سنوريى خەسرەوى بووە و تێيدا گفتوگۆ لەسەر ڕێكارەكانى بەهێزكردنى هاريكارى و ئاسايشى ناوچە سنوريە هاوبەشەكانى نێوان هەردولا كراوە.

 

يەيحا ئيلاهى لە كۆبونەوەكەدا باسى لەوەكردوە، پەيوەندیيەكى بەهێز لەنێوان هێزەكانى پاسەوانى سنورى ئێرانى و عێراقيدا دەبێتە هۆى دروستبونى پەيوەندى دۆستانەى زياتر لەنێوان هەردوو وڵاتدا، ئامانجى گفتوگۆكە بۆ بەرزكردنەوەى ئاستى ئاسايشە لە سنورەكان و هەوڵى زياترە بۆ بەهێزكردنى ئەو سنورانە.

 

جەختیشى كردوەتەوە، كۆبونەوەكە تێيدا باس لە كەيسەكانى بەرەنگاربونەوەى قاچاخچێتى كاڵا و خواردنەوە كحوليەكان و ڕێگەگرتن لە دزەكردن لە سنورەكانەوە كراوە.

 

لاى خۆشيەوە، عەبدولهادى محەمەد مەحبوبە باسى لەوەكردوە كە هاريكارى لەنێوان عێراق و ئێراندا هەيە لە سنورەكان و داواشى كردوە هەوڵى زياتر بدرێت بۆ پاراستنى سنورە هاوبەشەكانى نێوان هەردوو وڵات.

 

جەختیشى كردوەتەوە، بەهۆى بڵاوبونەوەى پەتاى كۆرۆناى نوێوە، لە ئێستادا عێراق ناتوانێت پێشوازى لە سەردانيكەرانى ئێرانى بكات.