گه‌ڕان

Shadow Shadow
سیاسه‌تی

سەدر هێرشدەكاتە سەر هەندێك گروپی حەشدی شەعبی

سەدر:ئەوەی هەندێ گروپی سەر بەحەشد ئەیكەن لاوازكردنی عێراق و گەل و دەوڵەتەكەی تێدایە

2020.09.23 - 22:59
سەدر:ئەوەی هەندێ گروپی سەر بەحەشد ئەیكەن لاوازكردنی عێراق و گەل و دەوڵەتەكەی تێدایە

ناس کورد- 

موقتەدا سەدر، ڕێبەرى ڕەوتى سەدر نامەيەكى ئاراستەى حەشدى شەعبى كرد و تیایدا ئاماژە بەوە دەکات، ئەوەى هەندێك گروپى سەربە حەشد دەيكەن عێراق و گەلەكەى و دەوڵەتەكەى لاواز دەكەن.

 

سەدر لە نامەكەيدا كە لە هەژمارى خۆى لەتۆڕى كۆمەڵايەتى تويتەر بڵاويكردوەتەوە نووسیویەتى، بزانن ئەى برا موجاهيدەكانى حەشدى شەعبى، ئەوەى هەندێك گروپ كە سەربەو ناونيشانە گەورەن "مەبەست حەشدى شەعبى" دەيكەن بريتييە لە لاوازكردنى عێراق و گەلەكەى و دەوڵەتەكەى.

 

ڕونيشيكردوەتەوە، لاوازكردنى ئەوانەش بە واتاى بەهێزكردنى هێزى دەرەكى و لەسەروشيانەوە گەورەى شەڕەكان ئەمريكايە.

 

سەرۆكى ڕەوتى سەدر ڕونيشيكردوەتەوە، هەوڵ بدەن بە دانايى و لێهاتويى و خۆشەويستى بۆ عێراق و گەلەكەى هەڵسوكەوت بكەن، ئێوە لەبەردەم خودا و گەلدا بەرپرسيارن.



داواشیان لێدەکات هەوڵ بدەن عێراق بەدوور بگرن لەوەی ببێتە گۆڕەپانێك بۆ بۆ كێشمەكێشی خەڵكیتر و با پێكەوە هەوڵی سەربەخۆیی و ئۆقرەیی و پاراستنی سیادەی عێراق بدەین ئەگەرنا لەدەستمان دەچێت.

 

جەختیشدەکاتەوە، دەبێت "جیهادكاران" خۆیان بەدوور بگرن لە سیاسەتی ئاست نزم بۆ پاراستنی ناوبانگ و مێژووی خۆیان.