گه‌ڕان

Shadow Shadow
سیاسه‌تی

چەمچەماڵ؛ لەماوەى یەک مانگدا 23 کەس بەتۆمەتی کوشتن دەستگیرکراون

2020.09.23 - 22:34
چەمچەماڵ؛ لەماوەى یەک مانگدا 23 کەس بەتۆمەتی کوشتن دەستگیرکراون

ناس کورد- هەڤاڵ غالب

لە ماوەی مانگێکدا 23 کەس لەسنوری قەزای چەمچەماڵ بە تۆمەتی کوشتنی کەسانی تر دەستگیرکراون.

 

ڕەمک ڕەمەزان، سەرۆکی لیژنەی ئەمنی قەزای چەمچەماڵ بە  ناس کوردى ڕاگەیاند "لە بەرواری 20ى ئاب تاوەکو 20ى ئەیلول، 23 کەس بە تۆمەتی کوشتنی کەسانی تر دەستگیرکراون".

 

 وتیشی "لەو ماوەیەدا 6 حاڵەتی کوشتن لە سنوری قەزای چەمچەماڵ و ناحیە و گوندەکانی تۆمارکراوە و زۆربەی ئەو کەسانەشی بە مادەی 406ى کوشتن لەلایەن دادگاوە فەرمانی گرتنیان هەبووە دەستگیرکراون ".

 

سەرۆکی لیژنەی ئەمنی قەزای چەمچەماڵ سوپاسی سەرجەم هێزە ئەمنیەکان دەکات کە ئەرکەکانیان جێبەجێکردوە و هاوکات سوپاسی هاووڵاتیان دەکات کە هاوکارن بۆ جێبەجێکردنی یاسا .

 

لەماوەی دوو هەفتەی ڕابردوودا لەسنوری قەزای چەمچەماڵ لەدوو ڕووداوی تەقەکردندا پێنج کەس کوژران، سێ لە کوژراوەکان لە ناحیەی تەکیەی کاکەمەند بوون و تۆمەتباران خۆیان ڕادەستی یاسا کرد ، بەڵام تۆمەتباری سەرەکی کوشتنی دوو کچی چەمچەماڵ تا ئێستا دەستگیر نەکراوە .