گه‌ڕان

Shadow Shadow
سیاسه‌تی

زانکۆى سلێمانى وادەى دەستپێکردنى دەوامى دیارى کرد

2020.09.23 - 20:24
App store icon Play store icon Play store icon
زانکۆى سلێمانى وادەى دەستپێکردنى دەوامى دیارى کرد

ناس کورد-

زانکۆى سلێمانى راگەیەندراوێکى لەبارەى دەستپێکردنى ساڵى نوێى خوێندن بڵاوکردەوە کە لەسەر شێوازى خوێندنى ئاوێتە دەبێت.

 

کەناڵی ناس کورد لە تێلیگرام جۆین بکە   

لە راگەیەندراوەکەى زانکۆى سلێمانیدا ئاماژە بەوە کراوە کە ئەمڕۆ (چوارشەممە) ئەنجومەنى زانکۆ کۆبۆتەوە و تیایدا بە ڕەچاوکردنی پەتای کۆرۆنا و پاراستنی تەندروستی خوێندکاران و دابینکردنی پێداویستی بەشە ناوخۆییەکان، بڕیار لەسەر دەستپێکردنى دەوام لە بەشەکانى زانکۆکە دراوە.

 

بەگوێرەى راگەیەندراوەکە، پاش جەخت کردنەوە لەسەر شێوازی خوێندنی ئاوێتە بۆ ساڵی خوێندنی (٢٠٢٠-٢٠٢١)، بڕیاریدا کە رۆژی (یەکشەممە) رێکەوتی (٤-١٠-٢٠٢٠) یەکەم ڕۆژی ساڵی نوێی خوێندن بێت بۆ خوێندنی بەکالۆریۆس لە زانکۆکەیان.

 

لەبارەى شێوازى خوێندن لە بەشەکانى زانکۆکەش، راگەیەندراوەکە رونیدەکاتەوە،شێوازى خوێندن لە بەشەکانى زانکۆى سلێمانى بەشێوازی خوێندنی ئەلیکترۆنی دەبێت بۆ ماوەی ٦ ھەفتە، پاشان دواتر بەپێی تایبەتمەندی وانە و کۆلێجەکان خوێندن بەشێوازی (ئاوێتە) بەردەوامی پێدەدرێت.