گه‌ڕان

Shadow Shadow
وه‌رزش

میسى و رۆناڵدۆ بەهێزترین ئەو بەرگریکارانەیان ئاشکراکرد کە روبەڕوویان بوونەتەوە

2020.09.20 - 22:57
میسى و رۆناڵدۆ بەهێزترین ئەو بەرگریکارانەیان ئاشکراکرد کە روبەڕوویان بوونەتەوە

ناس کورد-

کریسیانۆ رۆناڵدۆ و لیۆنێل میسى بەهێزترین ئەو بەرگریکارانەیان ئاشکراکرد کە روبەڕوویان بوونەتەوە لەکاتى هێرشبردنیاندا لە یارییەکاندا.

 

هاوشێوەى سەرجەم هێرشبەرەکان، میسى و رۆناڵدۆ روبەڕووى بەرگرى توند بوونەتەوە لەلایەن یاریزانانى هێڵى بەرگرى لەو خولانەى یارییان تێدا کردووە، بەڵام هەندێ لەو بەرگریکارانە جیاواز بوون.

 

ماڵپەرى (پۆرت بایبل) لەزارى میسیەوە گواستییەوە، بەرگریکارى گەنج بابلو مافیو بەهێزترین بووە کە روبەڕووى بووەتەوە، جگە لە سێرجۆ رامۆس و دییگو غودین.

 

میسى دەڵێت "لەراستیدا بەرگریکارێکى دیاریکراو هەراسانى نەکردووم، بەڵام مافیو هەندێ شتى سەیرى هەبووە، ئەوەش کردبووى بە بەرگریکارێکى توند و بەهێز".

 

لاى خۆیەوە کریستیانۆ رۆناڵدۆ کە ئەزموونێکى جیاوازى هەیە لە خولى ئینگلیزى و پاشان ئیسپانى و ئیتاڵى دەڵێت، بەهێزترین بەرگریکار کە روبەڕووى بووەتەوە ئاشلى کول بەرگریکارى پێشووى ئارسناڵ و چێڵسى بووە.

 

باسى لەوەشکردووە، لە ساڵانى ڕابردوودا کێبڕکێی توندى هەبووە لەگەڵ ئاشلى کول، ئەو یاریزانێکە کە هیچ چرکەیەکى پێنەداوە بۆ ئەوەى هەناسە بدات و یاریکردن لەگەڵیدا هەرگیز ئاسان نەبووە.