گه‌ڕان

Shadow Shadow
سیاسه‌تی

قائیمقامیەتی هەولێر لەبارەی تاپۆکردنی خانووە زیادەڕۆکان هاووڵاتیان ئاگاداردەکاتەوە

2020.09.19 - 22:57
قائیمقامیەتی هەولێر لەبارەی تاپۆکردنی خانووە زیادەڕۆکان هاووڵاتیان ئاگاداردەکاتەوە

ناس کورد-

قایمقامیه‌تی قه‌زای ناوه‌ندی هه‌ولێر ئه‌و هاووڵاتیانه‌ی ناو شاری هەولێر ئاگادار ده‌كاته‌وه‌ كه‌ خانووی زێده‌ڕۆیان هه‌یه‌ و كه‌وتوونه‌ته‌ ناو بازنه‌ی 120 مه‌تری و مه‌رجه‌كان ده‌یانگرێته‌وه‌، ده‌ست به‌ مامه‌ڵه‌كانیان بكه‌ن بۆ تاپۆكردنی خانووه‌كانیان و وادەیەکیشی بۆ ئەو مەبەستە دیاریکردووە.

 

لەراگه‌یه‌ندراوێکدا قایمقامیه‌تی قه‌زای ناوه‌ندی هه‌ولێر ڕایگەیاند: " ئاگاداری هەموو ئەو هاوڵاتییە بەڕێزانەی سنووری ناوەندی هەولێر دەکەینەوە کە کەوتوونەتە ناو بازنەی 120م و بەزێدەڕۆ خانوویان دروستکردووە و مەرجەکانی یاسای ژمارە (3)ی ساڵی 2019 یان تێدا بەرجەستە دەبێت، تاوەکو 2020.11.1 داواکارییەکانیان پێشکەشی قایمقامیەتی قەزای ناوەندیی هەولێر بکەن، بەمەبەستی تەملیککردنی و تاپۆکردنی خانووەکانیان."

 

ئەوەش لەکاتێکدایە، لەسەرەتای ئەمساڵدا و بەگوێرەی یاسایەکی پەرلەمانی کوردستان، بڕیاری تاپۆکردنی خانووە زیادەڕۆکانی سەرجەم ناوچەکانی هەرێمی کوردستان درا، ئەوەش بەگوێرەی هەندێک مەرج و ڕێنمایی.