گه‌ڕان

Shadow Shadow
سیاسه‌تی

داواى لە کازمى کردبوو رزگاریان بکات لەهەڕەشەى ’’کوشتن و دەستدرێژى’’

وەزارەتى کۆچ و کۆچبەرانى عێراق بەدواداچوون بۆ ڤیدیۆى منداڵێکى ئاوارە دەکات

2020.09.18 - 19:03
وەزارەتى کۆچ و کۆچبەرانى عێراق بەدواداچوون بۆ ڤیدیۆى منداڵێکى ئاوارە دەکات

ناس کورد-

 

وەزارەتى کۆچ و کۆچبەرانى عێراق لیژنەیەکى رەوانەى کەمپى یەحیاوا کرد لە پارێزگاى کەرکوک، دواى ئەوەى منداڵێک پەیامێکى ئاڕاستەى مستەفا کازمى کرد و داوایکرد خۆى و خانەوادەکەى رزگاربکات لە هەڕەشە و دەستدرێژیی لەلایەن کەسێکەوە.

 

ئەمڕۆ لە تۆڕە کۆمەڵایەتییەکان ڤیدیۆیى منداڵێکى دانیشتوى کەمپى یەحیاوەى باشورى کەرکوک کە تایبەتە بە ئاوارە تورکمانەکان بڵاوبووەوە، کە تێیدا داوا لە مستەفا کازمى سەرۆکوەزیران دەکات دەستوەردان بکات بۆ رزگارکردنیان لەدەست کەسێک کە هەڕەشەی کوشتن و رفاندن و دەسترێژیکردنە سەریان لێدەکات.

 

کەریم نورى بریکارى وەزارەتى کۆچ و کۆچبەرانى عێراق لە بەیاننامەیەکدا ڕایگەیاند "دواى بینینى ڤیدیۆکە، وەزیرى کۆچ و کۆچبەران فەرمانیکردووە بەدواداچوون بکرێت بۆ ئەو پرسە و منداڵەکە و خێزانەکەى بانگهێشتبکرێن بۆ تۆمارکردنى سکاڵا دژى ئەو کەسە بۆ بەدادگایی گەیاندنى".

 

وتیشى "لەئێستادا فەرمانمانکردووە بە پێکهێنانى لیژنەیەکى تایبەتمەند لە وەزارەت بۆ بەدواداچوونى دۆسیەکە".