گه‌ڕان

Shadow Shadow
سیاسه‌تی

ڕێكخراوێكى جيهانى: ئابوريى خێراتر لەوەى پێشبينى دەكرا گەشە دەكاتەوە

2020.09.17 - 10:54
ڕێكخراوێكى جيهانى: ئابوريى خێراتر لەوەى پێشبينى دەكرا گەشە دەكاتەوە

ناس كورد-

ڕێكخراوى هاوكارى ئابوريى و گەشەسەندن ئاشكرايكرد، وەك دەردەكەوێت ئابورى جيهان خێراتر ساڕێژدەبێتەوە وەك لەوەى لە چەند مانگى پێشوو پێشبينى دەكرا، ئەوەش بەهۆى باشبونى هيواكان لە چين و ولايەتە يەكگرتوەكانى ئەمريكا.

 

ڕێكخراوى هاوكارى ئابوريى و گەشەسەندن بڵاويكردەوە، ئەمساڵ ئابوريى جيهان 4.5% پاشەكشە بەخۆيەوە دەبينێت، سەرەڕاى ئەوەى ئەو پاشەكشەيە بێ پێشينەيە لە مێژوى نوێدا بەڵام باشترە لە پێشبينيەكان كە لە مانگى حوزەيراندا 6% بوون.

 

ڕێكخراوەكە کە بارەگاکەى لە شارى پاريسى پايتەختى فەرەنسايە هێماى بۆ ئەوەشكردوە، ئەگەر ڕێگەگرتن لە بڵاوبونەوەى ڤايرۆسى كۆرۆنا بەشێوەيەك كە لە كۆنترۆڵ دەرچێت بەردەوام بێت، سەرلەنوێ ئابوريى جيهان دەستدەكاتەوە بە گەشەسەندن لەساڵى داهاتودا ئەويش بەڕێژەى 5%.

 

ڕونيشيكردوەتەوە، بەڵام ئەوەش كەمترە لە پێشبينيەكانى ڕێكخراوەكە كە بەهەمان شێوە لە مانگى حوزەيراندا 5.2% بوو.

 

هەروەها بەگوێرەى پێشبينيەكانيش تا كۆتاييەكانى ساڵى 2021 ڤاكسينێكى كاريگەر بۆ ڤايرۆسى كۆرۆنا كە لە جيهاندا بەردەوامە لە بڵاوبونەوە، بەردەست نابێت.

 

بەهۆى بڵاوبونەوەى ڤايرۆسى كۆرۆناوە لە جيهاندا كە تا ئێستا نزيكەى 30 مليۆن كەسى توشكردوە و و نزيكەى 950 هەزار كەسيش بەهۆيەوە گيانيانلەدەستداوە، ئابوريى جيهان پاشەكشەيەكى گەورەى كرد و ئەوەش زيانى زۆرى بە زۆربەى وڵاتانى جيهاندا.