گه‌ڕان

Shadow Shadow
سیاسه‌تی

كۆمسيۆنى ئەوروپا بۆ توركيا: كۆتايى بە هەوڵى ترساندنى دراوسێكانت بهێنە

2020.09.16 - 17:06
كۆمسيۆنى ئەوروپا بۆ توركيا: كۆتايى بە هەوڵى ترساندنى دراوسێكانت بهێنە

ناس کورد-

كۆمسيۆنى ئەوروپا هۆشدارى دەداتە توركيا كە كۆتايى بە دەستدرێژيیەكانى بۆ سەر دەوڵەتانى دراوسێى بهێنێت لەپێناو دەستكەوتنى غازى سروشتى، كە لەسەر ئەو بابەتە لەگەڵ يۆنانى دراوسێيدا كێشەى هەيە.

 

ئۆرسۆلا فۆن دير لايين، سەرۆكى كۆمسيۆنى ئەوروپا لە وتەى ساڵانەيدا دەربارەى بارودۆخى يەكێتى ئەوروپا لەبەردەم پەرلەمانى ئەوروپادا وتى "بەڵێ، توركيا دەكەوێتە ناوچەيەكەوە كە كێشمەكێشى تێدايە".

 

وتيشى "بەڵێ، مليۆنان پەنابەر ڕووى تێدەكەن و پارەى زۆرى دەدەينێ بۆ ئەوەى پێشوازيان لێبكات، بەڵام هيچ شتێك بيانو نييە بۆ ئەوەى هەوڵى ترساندنى هاوسێكانى بدات".

 

لەلايەنى ترەوە ئۆرسولا ئاماژەى بەوەداوە، كۆمسيۆنەكە دەيەوێت ئەوەى پێى دەوترێت "ڕێوشوێنى دبلن" هەڵبوەشێنێتەوە، كە بەرپرسانى داواكارى مافى پەنابەرى خستوەتە ئەستۆى يەكەم وڵات كە پەنابەرەكە ڕووى تێدەكات.

 

سەرۆكى كۆمسيۆنى ئەوروپا باسى لەوەشكرد، دەتوانم ڕايبگەيەنم كە "ڕێوشوێنى دبلن" هەڵدەوەشێنينەوە و دەيگۆڕين بە سيستمێكى ئەوروپى نوێ بۆ ئيدارەى كۆچ، هەروەها میکانیزمى نوێ و بەهێز بۆ هاريكارى دەبێت.