گه‌ڕان

Shadow Shadow
سیاسه‌تی

چیرۆکی خۆکوشتنی نەوزاد

مایەپوچبوون نەوزادى 45 ساڵی بەرەو خۆکوشتن برد

2020.09.16 - 15:59
مایەپوچبوون نەوزادى 45 ساڵی بەرەو خۆکوشتن برد

ناس کورد- هەڤاڵ غالب

چارەنوسى نەوزاد کاکەسورى تەمەن 45 ساڵ خۆکوشتن بوو، دواى ماوەیەک لە توشبوونى بە نەخۆشى دەروونى بەهۆى مایەپوچبوونییەوە.

 

تەرمى نەوزاد کە خێزاندارە و خەڵکی گوندی لەکاوەیە، ئەمڕۆ لە ناحیەى تەکیەى سەر بە قەزاى چەمچەماڵ دۆزرایەوە کە ئاسەوارى فیشەک بە جەستەوەیە و بەرپرسانى ناوچەکە ڕووداوەکە بە خۆکوژى دادەنێن.

 

مەمەد ڕەشید، بەڕێوەبەری ناحیەی تەکیەی کاکەمەند بە ناس کوردی ڕاگەیاند، "بە وتەی خێزانەکەی ئەم پیاوە پێشتر بارهەڵگر و ئۆتۆمبیلی هەبووە و دوای ئەوەی زەرەرمەند بووە و ئیفلاسی کردووە، ماوەیەکیشە بەهۆی ئەو زیانانەوە توشی نەخۆشی دەرونی بووە".

 

وتیشى، "کاتژمێر شەشى بەیانی ئەمڕۆ، 16ی ئەیلولی 2020، ئەو کەسە لە ماڵەکەی خۆیدا بە چەکى خۆی فیشەی بەسەری خۆیەوە ناوەو خۆی کوشتووە".

 

تەرمى نەوزاد سەرەتا براوەتە نەخۆشخانەی شەهید پێشڕەو لە چەمچەماڵ کراوە پێش ڕەوانەکردنى بۆ پزیشکى دادوەرى.

 

هاوکات شەریف ڕەحیم، وتەبێژی تەندروستی چەمچەماڵ بە ناس کوردی ڕاگەیاند، تەرمەکە بۆ لێکۆڵینەوە ڕەوانەی پزیشکی دادی سلێمانی کراوە.