گه‌ڕان

Shadow Shadow
سیاسه‌تی

تەندروستیی جیهانی ’’زۆر نیگەرانە’’ لە دۆخی کۆرۆنای عێراق

2020.09.15 - 21:44
تەندروستیی جیهانی ’’زۆر نیگەرانە’’ لە دۆخی کۆرۆنای عێراق

ناس کورد-

ئەحمەد مونزرى، بەڕێوەبەرى هەرێميى ڕێكخراوى تەندروستیی جيهانى لە ڕۆژهەڵاتى ناوەڕاست هۆشدارى دەدات لەوەى پەتاى كۆرۆنا كاريگەرى خزمەتگوزارى تەندروستى لە ناوچەى ڕۆژهەڵاتى ناوەڕاست كەمكردووەتەوە.

 

ئەحمەد مونزرى بە ئاژانسى ڕۆيتەرزى ڕاگەياندووە، پەتاى كۆرۆنا بووەتە هۆى ئەوەى خزمەتگوزارى تەندروستى لە دەوڵەتانى ناوچەكە سنوردار بێت، ئەوەش بەهۆى سەرقاڵى كەرتەكە بە بەرپەرچدانەوەى كۆرۆناوە.

 

باسى لەوەشكردوە، بەهۆى ئەوەشەوە ئێستا خزمەتگوزاريەكانى وەك چارەسەركردنى نەخۆشيە درێژخايەنەكان و تەندروستى منداڵبوون و خزمەتگەزارى دادانەكان و چەندين خزمەتگوزارى تر كارى لە پێشينە نين.

 

دەشڵێت، زيادبونى ژمارەيى توشبووانى كۆرۆنا لە ماوەى ڕابردودا لە ناوچەكە جێى نيگەرانى جدييە، عێراق، تونس، مەغريب، ئيمارات لەو وڵاتانەن كە ژمارەى توشبووان تێياندا لە زيادبوونە، ئەوەش دواى دەركردنى بڕيارى سوككردنى كۆت و بەندەكانى قەدەغە و كەرەنتين.

 

 بەڕێوەبەرى هەرێميى ڕێكخراوى تەندروستیی جيهانى لە ڕۆژهەڵاتى ناوەڕاست هێماى بۆ ئەوەشكردوە، هەموو ڕۆژێك ژمارەى توشبووان لە زيادبوندايە بەتايبەتى لە عێراق، مەغريب، تونس  ئيمارات و ئەوەش جێى نيگەرانييەكى قوڵە و پێويستى بە گرتنەبەرى ڕێوشوێنى خێرا و توندە، زيادبوونى توشبووانيش جێى سورسوڕمان نييە و پێشبينيكراو بوو.