گه‌ڕان

Shadow Shadow
سیاسه‌تی

چەمچەماڵ؛ لە ڕووداوێکی هاتووچۆدا  گەنجێک گیانی لەدەستدا

2020.09.15 - 15:14
چەمچەماڵ؛ لە ڕووداوێکی هاتووچۆدا  گەنجێک گیانی لەدەستدا

ناس کورد- هەڤاڵ غالب

نیوەڕۆی ئەمڕۆ (سێشەممە) لە ڕووداوێکی هاتوچۆدا لەنێوان چەمچەماڵ- سلێمانی  گەنجێک گیانى لەدەستدا.

 

شەریف ڕەحیم، وتەبێژی تەندروستی چەمچەماڵ بە ناس کوردى ڕاگەیاند :"نیوەڕۆی ئەمڕۆ تەرمی گەنجێکی تەمەن 16 ساڵ لە ڕەگەزی نێر گەیەنرایە نەخۆشخانەی فریاکەوتنی شەهید پێشڕەو له قەزای چەمچەماڵ ".

 

وتیشی" گیانلەدەستدانی ئەو  گەنجە بەهۆی ڕووداوێکی هاتوچۆوە بوو لەسەر ڕێگای سەرەکی چەمچەماڵ سلێمانی و لە نزیک ناحیەی تەکیە ".

 

ڕوداوەکە بەهۆی پێکدادانی دوو ئۆتۆمبیلی نیسان پیکاب و بارهەڵگرێکەوە بووە و شۆفێری پیکابەکەگیانی لەدەستداوە.

 

شەریف ڕەحیم ئاماژەی بەوەشکرد کە تەرمی ئەو گەنجە ڕەوانەی پزیشکی دادوەری سلێمانی کراوە.

 

ڕێگای سلێمانی چەمچەماڵ و بەدیاریکراوی لە چەند شوێنێک لەنێوانی ناحیەی تەکیە و قەزای چەمچەماڵ زۆرترین ڕووداوی هاتووچۆی لێ ڕودەدات و  زۆربەی ڕووداوەکانیش زیانی گیانی لێ دەکەوێتەوە.