گه‌ڕان

Shadow Shadow
سیاسه‌تی

چەند رۆژێکى کەم ئارام بگرن

دۆخى کەشوهەوا؛ شەپۆلێکى جەمسەریی سارد بەڕێوەیە

2020.09.15 - 13:04
دۆخى کەشوهەوا؛ شەپۆلێکى جەمسەریی سارد بەڕێوەیە

ناس کورد-

پێشبینییە کەشناسییەکان ئاماژە بە بەردەوامى شەپۆلى هاوینەیی دەدەن لەزۆربەى ناوچەکانى عێراق، لەگەڵ بەرزبوونەوەى پلەکانى گەرما و نزیکبوونەوەى هاتنى شەپۆلێکى ساردى جەمسەریی لە رۆژانى کەمى داهاتوودا.

 

واسق سەلامى، کەشناسی دیارى عێراق ڕایگەیاند، پێشبینیدەکرێت پارێزگاکانى میسان و بەسرە ئەمڕۆ کەشوهەواى گەرم و شێدار بەخۆوە ببینن، بەهۆى شەپۆلێکى باوە کە بەئاڕاستەى باشورى رۆژهەڵات دەجوڵێت، لەکاتێکدا کاریگەرى باى باکورى خۆرئاوا لەسەر ناوچەکانى دیکە بەردەوامە لەگەڵ چالاکبونى بەخێرایی (20-40) کم لەکاتژمێرێکدا.

 

وتیشى "پلەکانى گەرما ئەمڕۆ بەبەرزى دەمێننەوە، لە شارەکانى باکور لەنێوان (38-44) پلەدا دەبن، لە ناوەڕاست و باشوریش لەنێوان (43-46) دا دەبن". 

 

بەوتەى سەلامى، دواى هاوینێکى گەرم چاوەڕواندەکرێت بەم نزیکانە ئاماژەى کۆتایی هاتنى ئەو کەشە گەرمە دەربکەوێت.

 

دەشڵێت، ئاماژەکان هاتنى شەپۆلێکى نیمچە جەمسەرى سادر دەردەخەن لە باکورەوە، ئەوەش دەبێتە هۆى نەمانى بارستە هەواى گەرم، هاوکات لەگەڵ وادەى یەکسانبوونى رۆژ و شەو، لە رۆژى 21 ى ئەیلول یان دواى چەند رۆژێکى کەم.

 

بەوتەى ئەو کەشناسە، پلەى گەرماى پێشبینیکراو کە شارەکانى ناوەڕاست و باشورى عێراق بەخۆیانەوە دەبینن لەم ماوەیەدا 40 پلە یان خوارتر دەبن، لە شارەکانى باکوریش چەند پلەیەک کەمتر دەبن، شەپۆلى ساردیش زیاتر لە کاتەکانى درەنگانى شەو یان بەرەبەیانى زوودا دەبێت.