گه‌ڕان

Shadow Shadow
سیاسه‌تی

هاتووچۆى سلێمانى شۆفێران ئاگادار دەکاتەوە ’لەو کاتە بەدواوە مامەڵە وەرناگیرێت’

2020.09.15 - 11:54
هاتووچۆى سلێمانى شۆفێران ئاگادار دەکاتەوە ’لەو کاتە بەدواوە مامەڵە وەرناگیرێت’

ناس کورد-

بەڕێوەبەرایەتى هاتووچۆى سلێمانى راگەیەندراوێکى لەبارەى سەردانى شۆفێران بۆ بەڕێوەبەرایەتییەکە و ڕایکردنى مامەڵەکانیان بڵاوکردەوە.

 

لە راگەیەندراوەکەى بەڕێوەبەرایەتى هاتووچۆى سلێمانى ئاماژە بەوە کراوە کە لەمەولا لەدواى کاتژمێر 12ى نیوەڕۆوە هیچ مامەڵەیەکى نوێ وەرناگیرێت.

 

بەگوێرەى راگەیەندراوەکە، دەبێت هاووڵاتیان لەپێش کاتژمێر 12ى نیوەڕۆ سەردانى بەڕێوەبەرایەتییەکە بکەن بۆ رایکردنى مامەڵەکانیان و هەر مامەڵەیەک لەدواى کاتژمێر 12ى نیوەڕۆ ئەنجام بدرێت دەکەوێتە ڕۆژى دواتر.

 

لەراگەیەندراوەکەدا ئاماژە بەوە کراوە "ئاگاداری ئەو هاوڵاتیانە دەكەینەوە كە ڕۆژانە سەردانی بەڕێوەبەرایەتی هاتوچۆ دەكەن بەمەبەستی ڕاییكردنی مامەڵەكانیان، پێویستە لەمڕۆ بە دواوە لە پێش كاتژمێر 12وە سەردان بكەن، ئەگەر نا لە دوای كاتژمێر12وە هیچ مامەڵەیەكی نوێ‌ لە هاوڵاتیان وەرناگیرێت."

 

ئەوەش رونکراوەتەوە، ئەگەر هاووڵاتیان لە پێش کاتژمێر 12 سەردانى بەرێوەبەرایەتیمان نەکەن ئەوا تەواوبوونی مامەڵەكەیان دەكەوێتە ڕۆژی دواتر."