گه‌ڕان

Shadow Shadow
سیاسه‌تی

’هەواڵى هیوابەخش’ لەبارەى ڤاکسینەکەى ئۆکسفۆردەوە ڕاگەیەنرا

2020.09.15 - 11:39
’هەواڵى هیوابەخش’ لەبارەى ڤاکسینەکەى ئۆکسفۆردەوە ڕاگەیەنرا

ناس كورد-

كۆمپانياى ئەسترازينيكا لە بەرازیل دەستپێکردنەوەى تاقیکردنەوەکانى ڤاکسینى دژى کۆرۆناى ڕاگەیاند، کە بەهاوکارى لەگەڵ زانکۆى ئۆکسفۆرد گەشەى پێدەدات، دواى وەرگرتنى مۆڵەتى دەستەى تەندروستى ئەو وڵاتە و دڵنیابوونەوە لە دەستپێکردنەوەى تاقیکردنەوەکان لە بەریتانیا.

 

زانکۆى ساوپالۆى بەرازیلى کە تاقیکردنەوەکەى لێ ئەنجام دەدرێت لەبەیاننامەیەکدا ڕایگەیاند، ڤاکسینەکە دراوە بە 4600 کەس لەکۆى 5000 خۆبەخش لە بەرازیل بەبێ ئەوەى هیچ یەکێکیان روبەڕووى کێشەى مەترسیدارى تەندروستى بووبنەوە.

 

لە تاقیکردنەوەکەدا خۆبەخشەکانى ساوپاولۆ و رۆدى جانیرۆ و سلفادۆر لە ویلایەتى بەهیاى باکورى رۆژهەڵاتى بەرازیل بەشداربوون.

 

كۆمپانياى ئەسترازينيكا هەفتەى ڕابردوو تاقیکردنەوە زانستییەکانى بەشێوەیەکى کاتى راگرت، دواى توشبوونى یەکێک لە بەشداربووان بە نەخۆشیەکى گوماناویی لە بەریتانیا.

 

بەرازیل بە سێیەم زیانمەندترین وڵات دادەنرێت لەرووى بڵاوبوونەوەى کۆرۆناوە لەدواى ئەمریکا و هندستان و بووەتە شوێنێکى لەبار بۆ تاقیکردنەوە لەسەر ڤاکسینەکان کە لەلایەن بەریتانیا و چین و روسیاوە گەشەیان پێدراوە.