گه‌ڕان

Shadow Shadow
سیاسه‌تی

عەلى حەمە ساڵح داوایەک لە هاوڕێکانى نەوشیروان مستەفا دەکات ’وەڵامى مەلا بەختیار بدەنەوە’

2020.09.13 - 20:26
عەلى حەمە ساڵح داوایەک لە هاوڕێکانى نەوشیروان مستەفا دەکات ’وەڵامى مەلا بەختیار بدەنەوە’

ناس کورد-

عەلى حەمە ساڵح، ئەندامى پەرلەمانى کوردستان لە فراکسیۆنى گۆڕان داوا لە هاوڕێیانى شاخ و شارى نەوشیروان مستەفا دەکات وەڵامى لێدوانەکانى مەلا بەختیار، ئەندامی ئەنجوومەنی باڵای سیاسی و بەرژەوەندییەکانی یەکێتیی نیشتمانیی کوردستان بدەنەوە کە لەبەرنامەیەکى تەلەفزیۆنیدا لەبارەى نەوشیروان مستەفا ڕێکخەرى گشتى کۆچکردووى بزوتنەوەى گۆڕان کردنى.

 

عەلى حەمە ساڵح ئاماژە بەوە دەکات "ھەرچەندە ھەموان کەسایەتی کاک نەوشیروان و  کاک بەختیار و ڕۆڵ و کارگەری ھەردوکیان باش دەزانن، بەڵام کە ئێمەو  مانان بەشێک نەبوین لەو زەمەنەی کە باس دەکرێ ڕەنگە حەق بەخۆمان نەدەین بچینە گێڕانەوەی وردەکاری ئەو ڕوداوانەی کە بیستومانە؛ ھیواموایە ئەوانەی خۆیان بە ھاوڕێی شاخ و شاری کاک نەوشیروان دەزانن و لە قوڵایی ڕوداوەکاندا بون وەڵام بدەنەوە".

 

لە بەرنامە تەلەفزیۆنییەکەدا مەلا بەختیار باسى لە کوشتنى دیل کرد لە سەردەمى شەڕى ناوخۆ و لەساڵى 1995، ئاماژەى بەوە کرد کە "لە پشتئاشان کاک نەوشیروان 56 دیلی شیوعی کوشت".

 

لێدوانەکەى مەلا بەختیار لەبارەى نەوشیروان مستەفا کاردانەوەیەکى زۆرى لە تۆڕە کۆمەڵایەتییەکان دروستکرد.

 

عەلى حەمە ساڵح  مەلا بەختیار بەوە تۆمەتبار دەکات کە لەکۆتایى تەمەنى سیاسیدا  کەوتوەتە کۆمەڵێک ھەڵەی زەقەوە و جەخت لەسەر ئەوە دەکاتەوە کە "دەبوو کاک نەوشیروان لە ژیاندا بایە ئەم قسانەی کردباو نوسیبا، قسەی پاش مردن ترسنۆکیە".

 

 مەلا بەختیار بە خۆدزینەوە لە باسکردنی دیوە راستەقینەکەی کاک نەوشیروان، کە داینەمۆی شۆڕش بوە، ئەندازیاری ڕاپەڕین بوەو  پیاوی گۆڕانکاری و جێگای متمانەی خەڵکی کوردستان بوە، تۆمەتبار دەکات.

 

عەلى حەمە ساڵح جەخت دەکاتەوە "هەموان بەکاک بەختیاریشەوە دەزانن ئەگەر چەک و پارەو ساختەکاری نەبا ھیچ ھێزێکی سیاسی و سەرکردەیەک ھێندەی کاک نەوشیروان متمانەی جەماوەری نەبوو، متمانەی زۆری جەماوەریش ئاماژە بۆ بونی کاریزماو کاریگەری.. بۆنمونە: ئەگەر کاک بەختیار لیستێک دروستبکات لەدەرەوەی ھیزی چەکدارو پارەی یەکێتی، چەند کورسی دێنێت؟".

 

پرسیارى ئەوەش دەکات "ھاوشانی کاک نەوشیروان، مام جەلال و کاک مەسعود سەرکردەو بڕیار بەدەستی دوو ھێزی چەکداربوون لە شارو شاخ ، تۆ بڵێی ئەوان لەم شۆڕشەدا بەشێک نەبووبن لە ڕوداوەکان! تاوەکو کاک بەختیار بەم شێوە ناوی کاک نەوشیروان زەقدەکاتەوە و ئەوان ھیچ!!!".