گه‌ڕان

Shadow Shadow
سیاسه‌تی

بایدن: ژمارەیەک لەهێزەکانمان لەعێراق دەهێڵمەوە و بودجەى سوپا کەمناکەمەوە

2020.09.11 - 22:52
بایدن: ژمارەیەک لەهێزەکانمان لەعێراق دەهێڵمەوە و بودجەى سوپا کەمناکەمەوە

ناس کورد- 

کاندیدى دیموکراتەکان بۆ سەرۆکایەتى ئەمریکا ڕایدەگەیەنێت، گەر بۆ سەرۆکایەتى هەڵبژێردرێت ئەوا هەوڵى مانەوەى ژمارەیەکى کەمى هێزەکانیان لەعێراق دەدات و دەشڵێت، هیچ پلانێک بۆ کەمکردنەوەى بودجەى پنتاگۆن دانانێت.

 

لەلێدوانێکى دا بۆ ڕۆژنامەى ستارز ئەندسترایبس کە ڕۆژنامەیەکى تایبەتمەندى سەربازیى ئەمریکییە جۆ بایدن، کاندیدى دیموکراتەکان بۆ هەڵبژاردنى سەرۆکایەتى ئەمریکا ڕایگەیاند، پشتیوانى کشانەوەى هێزەکانى ئەمریکا لەعێراق دەکات، بەڵام کێشەیەک هەیە، ئەویش ئەوەیە کە هێشتا نیگەرانن لەبارەى مەترسییەکانى تیرۆر و داعشەوە.

 

ئاماژەى بەوەشکردووە، پێویستیان بەیەکخستن و هەماهەنگى هەیە بۆ ئۆپراسیۆنێکى هاوبەش لەگەڵ هاوپەیمانەکانیاندا و هەروەها پشتیوانى مانەوەى ئەوپەڕى ژمارەى هێزەکانیان لەعێراق دەکات لەهەزار و 500 سەربازەوە تا دوو هەزار سەرباز.

 

بایدن پێشبینى ئەوەش ناکات بودجەى وەزارەتى بەرگرى کەم بکرێتەوە و بەوتەی خۆی، سوپا دەبێت مامەڵە لەگەڵ ئەگەرى هەڕەشەکان بۆ سەر ئەمریکا بکات، لەوانە هەڕەشەکانى ڕووسیا و چین.

 

لەچەند ڕۆژى ڕابردوودا دۆناڵد تڕەمپى، سەرۆکى ئەمریکا کە ئێستا کاندیدى کۆمارییەکانە بۆ وەرگرتنەوەى پۆستەکەى و کێبرکێ لەگەڵ بایدندا دەکات، بڕیارى کەمکردنەوەى ژمارەى هێزەکانى ئەمریکاى لەعێراقدا لەسەرووى پێنج هەزارەوە بۆ نزیکەى سێ هەزار سەرباز.