تڕەمپ ڕێککەوتنى نێوان بەحرەین و ئیسرائیلى ڕاگەیاند و بە دەستکەوتێکى مێژوویی ناویدەبات

 

ناس کورد- 

دواى ئیمارات سەرۆکى ئەمریکا ڕێککەوتنى نێوان بەحرەین و ئیسرائیلی بۆ ئاشتى ڕاگەیاند و ئەو هەنگاوەش بەدەستکەوتێکى مێژووى ناو دەبات.

 

دۆناڵد ترەمپ، سەرۆکى ئەمریکا لە تویتێکدا ڕایگەیاند: "یەکێکى دیکە لەدەستکەوتە مێژووییەکانى ئەمڕۆ دوو هاوڕێی مەزن ئیسرائیل و بەحرەین لەسەر پڕۆسەى ئاشتى ڕێککەوتن."

 

ئاماژەى بەوەشکردووە، لەماوەى 30 ڕۆژدا دووەم وڵاتى عەرەبى لەگەڵ ئیسرائیلدا بۆ ئاشتى ڕیکدەکەوێت، ئەوەش وەکو ئاماژەیەک بۆ ڕێکەوتنى نێوان ئیمارات و ئیسرائیل کە لەچەند ڕۆژى ڕابردوودا ڕاگەیەنرا.