گه‌ڕان

Shadow Shadow
سیاسه‌تی

توێژینەوەیەکی تورکی: ئاستیی جەماوەریی پارتەکەی ئەردۆگان کەمیکردووە

2020.09.11 - 22:01
توێژینەوەیەکی تورکی: ئاستیی جەماوەریی پارتەکەی ئەردۆگان کەمیکردووە

ناس کورد-

توێژینەوەیەکی تورکی ئاشکرایکرد، پارتی دادوگەشەپێدانی تورکیا کە ئێستا پارتی دەسەڵاتە لەو وڵاتە لە ڕووی جەماوەرییەوە لە ناوچە کوردییەکان پاشەکشەی کردووە، ئاماژەبەوەشکراوە، دانیشتووانی ناوچەکە کێشەی کوردیان بەگرنگترین کێشەکان داناوە کە دەبێت چارەسەری بۆ بدۆزرێتەوە.

 

ناوەندیی توێژینەوەی کۆمەڵایەتی و سیاسی تورکیا توێژینەوەیەکی مەیدانی لەڕێگەی ڕاپرسییەکەوە لە 13 ولایەتی خۆرهەلات و باشوری تورکیا ئەنجامدا کە زۆرینەی دانیشتوانەکەی کوردن، لە ئاکامدا دەرکەوتووە، سەباری بوونی قەیرانی ئابوری و بێکاری ئەوانەی بەشداریان لە ڕپرسییەکەدا کردووە  پێیانوابووە: " کێشەی کورد لە گرنگترین کێشەکان و دەبێت چارەسەر بکرێت".

 

ناوەندە تورکییەکە لەمیانەی ڕاپرسییەکەدا پرسیاری ئەوەی کردووە لە بەشداربووانی توێژینەوەکە:  "ئەگەر ڕۆژی یەکشەممەی داهاتوو هەڵبژاردن لە تورکیا بەرێوەبچێت، دەنگ بەچ پارتێکی سیاسی دەدەیت؟" بەگوێرەی ڕاپرسییەکە دەرکەوتووە: " لە 63%ی بەشداربووان وتویانە دەنگ بە پارتی گەلانی دیموکراسی دەدەن کە لەئێستادا زۆربەی سەرکردەکانی لەزیندانەکانی تورکیادان و تەنها لە 9.4% دا وتویانە دەنگ بە پارتەکەی ئەردۆگان دەدەن پارتی داد وگەشەپێدانی تورکیا".

 

ناوەند تورکییە پرسیارێکی تری ئاڕاستەی بەشداربووان کردووە لە بارەی ئەوەی ئایا گرنگترین کێشەکانی تورکیا بە پۆچونی ئەوان چییە؟، لەوەڵامدا لە 45.3 %ی ئەوانەی بەشداری ڕاپرسییەکەیان کردووە پێیانوابووە کێشەی کورد لەگرنگترین ئەو کێشانەیە و 27.9% وتویانە ئابوری و بێکاری و4.4 % پێیانوابووە فەرامۆشکردنی دیموکراسی و3.9 %ی  بەشداربووان کەشی پڕقەیرانی تورکیایان  بەگرنگ زانیوە و لە 3.9 %دا وتویانە حکومەت، هەروەها لە 3.3 %دا  پێیانوابووە سیستمی دادەوەری کێشەی سەرەکی ئەو وڵاتەیە و لە 3.3 % ئاماژەیان بۆ نەبوونی ئۆپۆزسیۆن کردووە و لە 2.6 % سیستمی سەرۆکایەتیی تورکیایان بە هۆکاری دروستکردنی قەیرانەکانی ئەو وڵاتە لە قەڵەمداوە .

 

لەبارەی ئەوەی ئایا کام فاکتەر زیاتر کاریگەری دەبێت لەسەر دەنگدان بە پارتێکی سیاسی، ئاکامی ڕاپرسییەکە بەم شێوەیە بوو: " لە 22 % ی بەشداربووان پێیانوابووە نزیکی دیدی ئەو پارتە لە دەنگدەرانەوە گاریگەری هەیە، و لە 19.6%دا وتوویانە  ئاشتی ودیموکراسی، و لە 9.8 %  جەختیانکردووەتەوە کە باشداری لە هەڵبژاردنەکاندا ناکەن،  لە 8.3 % وتویانە دەنگ بەو پارتە دەدەن کە زیاتر نوێنەرایەتی کورد بکات، و لە 5.9 %  بەگرنگیان زانیوە پاڵپشتی داواکارییەکانی گەل بکات و هەروەها لە 3 % پێیانوابووە ئەو پارتەی  کە کاربکات بۆ گۆرانکاری ڕاستەقینە لە وڵات".