گه‌ڕان

Shadow Shadow
سیاسه‌تی

بەڕێوەبەری دەروازەی باشماخ: سبەینێ هاتنەناوەوەی بارهەڵگر لە دەروازەکەوە دەستپێدەکاتەوە

2020.09.11 - 18:09
App store icon Play store icon Play store icon
بەڕێوەبەری دەروازەی باشماخ: سبەینێ هاتنەناوەوەی بارهەڵگر لە دەروازەکەوە دەستپێدەکاتەوە

ناس کورد-

ماوەی دوو ڕۆژە هاتنەناوەوەی ئۆتۆمبێل لە دەروازەی سنوریی باشماخ ڕاگیراوە و دەوترێ بەهۆی سەردانەکەی کازمییەوەیە، بەڵام بەڕێوەبەری دەروازەی سنوریی باشماخیش ڕەتیدەکاتەوە هۆکارەکە ئەوە بێت و دەڵێت، بەهۆی هەندێک کێشەوە بووە و لە سبەینێوە هاتوچۆ دەستپێدەکاتەوە.

کەناڵی ناس کورد لە تێلیگرام جۆین بکە   

 

ماوەی دوو ڕۆژە هاتنەناوەوەی ئۆتۆمبێلی بارهەڵگر لەدەروازەی سنوریی باشماخەوە بۆ هەرێمی کوردستان ڕاگیراوە، ئەوەش هاوکاتە لەگەڵ هاتنی مستەفا کازمی سەرۆکوەزیرانی عێراق بۆ هەرێم و سەردانیکردنی بۆ دەروازە سنورییەکان، لەنێویاندا باشماخ.

 

عەلی حەمەساڵح، ئەندامی فراکسیۆنی گۆڕان لە پەرلەمانی کوردستان لە هەژماری خۆی لە تۆڕی کۆمەڵایەتی فەیسبوک بڵاویکردەوە: "لەترسی کازمی قاچاخی لە خاڵە سنورییەکان راگیراوە و لەیەک خاڵی سنوریی لەدیوەی ئێران، زیاتر لە 500 بارهەڵگر ڕاگیراون."

 

لەوبارەیەوە لیوا مەریوان عومەر، بەڕێوەبەری دەروازەی سنوریی باشماخ بە ناس کوردی ڕاگەیاند: "هۆکاری ڕاگرتنی هاتنەناوەوەی بارهەڵگر کێشەیەکی تەکنیکییە لەگەڵ دیوی ئێرانی دەروازە سنورییەکە و هیچ پەیوەندییەکی بە هاتنی مستەفا کازمییەوە نییە."

 

وتیشی: "لەگەڵ بەرپرسانی ئێران گفتوگۆمان کردووە و کێشەکە چارەسەرکراوە و لە سبەینێوە هاتنەناوەوەی بارهەڵگرەکان دەستپێدەکاتەوە."

 

 سەرۆکوەزیرانی عێراق سەردانی دەروازەی سنوریی باشماخیش دەکات و بەڕێوەبەری دەروازەکەش وتی: "ئامادەکاریمان کردووە بۆ پێشوازی لە سەرۆکوەزیرانی عێراق و نزیکەی دوو کاتژمێر لە دەروازەکە دەمێنێتەوە."