گه‌ڕان

Shadow Shadow
سیاسه‌تی

ماکرۆن: دەبێت سنورێک بۆ تورکیا وسەرۆکەکەی لە ڕۆژهەڵاتی ناوەڕاست دابنرێت

2020.09.11 - 09:43
App store icon Play store icon Play store icon
ماکرۆن: دەبێت سنورێک بۆ تورکیا وسەرۆکەکەی لە ڕۆژهەڵاتی ناوەڕاست دابنرێت

ناس کورد-

سەرۆکی فەڕەنسا رایگەیاند، کاردەکات بۆ گەڵاڵەکردنی هەڵوێستێکی توند و یەکگرتووی وڵاتە ئەوروپییەکان دژ بەدەستدرێژییەکانی تورکیا لە خۆرهەڵاتی دەریایی ناوەڕاست، ئاماژەی بەوە شکرد، ڕەفتارەکانی تورکیا لەو ناوچەیە ئاڵۆزییەکان دەباتە قۆناغێکی مەترسیدارەوە.

 

کەناڵی ناس کورد لە تێلیگرام جۆین بکە   

ئیمانوێڵ ماکرۆن، سەرۆکی فەڕەنسا لەمیانەی کۆنگرەیەکی رۆژنامەوانیدا لە پەراوێزی کۆبونەوەی لوتکەی حەوت ئەندامی یەکێتی ئەوروپا کە لە فەرەنسا، ئیتاڵیا، ئیسپانیا، پورتوگال، یۆنان، قوبرس و ماڵتا پێکدێت، رایگەیاند "پێویستە وڵاتانی ئەوروپا یەکهەڵوێست بن بەرامبەر هەنگاوەکانی تورکیا لە رۆژهەڵاتی ناوەڕاست، یەکێتی ئەوروپا دەیەوێت خۆی لەهەموو جۆرە روبەڕوبونەوەیەک لەگەڵ تورکیا بپارێزێت". 

 

ماکرۆن جەختیشکردەوە "یەکێتی ئەوروپا سەرکۆنەی هەنگاوە تاکلایەنەکانی تورکیا دەکات لە رۆژهەڵاتی ناوەڕاست، کە پێشێلکارییە لە سەروەری ئەوروپا و یاسا نێودەوڵەتییەکان، رێگە نادەین ئەنقەرە بەردوامی بە کارە تێکدەرانەکانی لەو ناوچەیە بدات، لەوبارەیەشەوە هیچ سازشێک ناکەین".

 

سەرۆکی فەڕەنسا داواشی لە تورکیا کرد"ڕێز لە قەدەغەی نەناردنی چەک بۆ لیبیا بگرێت وئەو بڕیارەش بەهەند وەربگرێت".

 

هاوکات وەزارەتی دەرەوەی تورکیا وەڵامی دواین لێدوانی ئیمانوێل ماکرۆن، سەرۆکی فەڕەنسای دایەوە و رایگەیاند"هەڵوێستە تایبەتی و نیشتیمانییەکانی سەرۆکی فەڕەنسا ئاڵۆزی زیاتر لەناوچەکە دروستدەکات و بەرژەوەندییەکانی ئەوروپاش دەخاتە قوڵایی دەریاوە".

 

دوای ئەوەی تورکیا هەوڵەکانی بۆگەڕان بە دوای گازدا لەخۆرهەڵاتی دەریای ناوەڕاست  چڕکردوە، گرژییەکانی نێوان تورکیا و وڵاتانی یەکێێتی ئەوروپا بە تایبەتی یۆنان و قوبرس چووە قۆناغێکی نوێوە.