گه‌ڕان

Shadow Shadow
سیاسه‌تی

وەزیرى پەروەردەى هەرێم وادەى دەستپێکردنى ساڵى نوێى خوێندنى ڕاگەیاند

2020.09.10 - 14:56
وەزیرى پەروەردەى هەرێم وادەى دەستپێکردنى ساڵى نوێى خوێندنى ڕاگەیاند

ناس کورد-

وەزیرى پەروەردەى حکومەتى هەرێمى کوردستان وادەى دەستپێکردنى ساڵى نوێى خوێندنى بۆ قۆناغە جیاوازەکانى خوێندن راگەیاند و ئاماژەى بەوە کرد کە لە 10ى تشرینى یەکەمى 2020 دەوامى ناو پۆل دەستپێدەکات.

 

لەمیانەى ئەنجامدانى کۆنگرەیەکى ڕۆژنامەوانیدا، د.ئالان حەمە سەعید، وەزیرى پەروەردەى حکومەتى هەرێمى کوردستان رایگەیاند "پۆلی یەکەم و دوەمی بنەڕەتی لە 10/10/2020 لەناو پۆلدا و بەشێوەیەكی راستەوخۆ دەست بەخوێندنی ساڵی نوێ دەکەن".

 

ئاماژەى بەوەش کرد "قۆناغی 3ی بنەڕەتی تاوەکو 11ی ئامادەیی، بەشێوەی ئەلكترۆنی خوێندنیان دەستپێدەكات، هەروەها پۆلی 12ش لە 27ی ئەیلول بەشێوەی راستەوخۆ لەناو پۆلدا خوێندنیان دەستپێدەكات".

 

وەزیرى پەروەردە رونیکردەوە کە پڕۆسەى خوێندن بە خۆپارێزى و پابەندبوون بە ڕێنماییە تەندروستییەکان دەستپێدەکات.