گه‌ڕان

Shadow Shadow
سیاسه‌تی

ئێران لە ڕێگەی فڕۆکەی بێ فڕۆکەوان و تۆپخانەوە برادۆستی بۆردومان کرد

2020.09.09 - 16:46
App store icon Play store icon Play store icon
ئێران لە ڕێگەی فڕۆکەی بێ فڕۆکەوان و تۆپخانەوە برادۆستی بۆردومان کرد

ناس کورد- ئاکۆ حەمەد رابی

کۆماری ئیسلامی ئێران لە ڕێگەی فڕۆکەی بێ فڕۆکەوان و تۆپخانەکانیەوە چەند ناوچەیەکی سنوری برادۆستیان بۆردومانکردو تائێستاش بۆردومانەکە بەردەوامە، فەرماندەیەکی سەربازی حزبى دیموکراتى کوردستانى ئێرانیش (حدکا) ئاماژە بەوە دەکات "بۆردومانەکە زیانی زۆری هەبووە."

 

کەناڵی ناس کورد لە تێلیگرام جۆین بکە   

کاوە بەهرامی، بەرپرسی دەزگای فەرماندەی هێزی پێشمەرگەی حیزبی دیموکراتی کوردستانی ئێران (حدکا) بە ناس کوردی ڕاگەیاند :"ئێوارەی ئەمڕۆ (چوارشەممە) سوپای کۆماری ئیسلامی ئێران لە ڕێگەی فڕۆکەی چاودێریەوە بۆردومانی ناوچە سنوریەکانی برادۆستی کرد لە ناحیەی سیدەکانی سەربەقەزای سۆران".

 

ئاماژەی بەوەشدا ، دوای چەند خولەکێک لە بۆردومانی فڕۆکەی بێ فڕۆکەوان، لە ڕێگەی تۆپخانەکانیشیەوە تۆپبارانی‌ بەربزین و چیای بۆڵێی کردو تائێستاش تۆپبارانەکە بەردەوامە.

 

بەوتەى کاوە بەهرامی بۆردومان و تۆپبارانەکەی ئێران خۆشبەختانە هیچ زیانێکی گیانی بۆ هێزەکانیان و هاووڵاتیانی سڤیل نەبووە، بەڵام زیانێکی زۆری بەر ژینگە و  باخچەو پاوانی ناوچەکە گەیاندوە.

 

رونیشیکردەوە، بۆردومان و تۆپبارانەکە ترس و دڵەڕاوکێیەکی زۆری لای هاووڵاتیان و دانیشتوانی ناوچەکە دروستکردوە.