باڵوێزخانەی ئەمریكا لەعێراق سامانی عەلی خامنەیی ئاشكرا دەكات

کەناڵی ناس کورد لە تێلیگرام جۆین بکە   

ناس كورد-

باڵوێزخانەی ئەمریكا لە عێراق لەراگەیەندراوێكدا قەبارەی سامانی عەلی خامنەیی رابەری باڵای شۆڕشی ئیسلامی ئێران ئاشكرا كرد.

.

لەراگەیەندراوێكی باڵوێزخانەی ئەمریكا لە عێراق كە لە لاپەڕەی فەرمی باڵیۆزخانەكە لە فەیسبوك بڵاوكراوەتەوە، ئاماژە بە بڵاوبوونەوەی گەندەڵی دەكرێت لەنێو كایە جیاوازەكانی وڵاتی ئێران و رەخنە لە رابەری باڵای شۆڕشی ئیسلامی ئێران دەگرێت كە لەگەڵ ئەوەی گەلەكەی برسییە، ئەو خاوەنی ملیارەها دۆلارە.

.

لەراگەیەندراوەكەی باڵیۆزخانەی ئەمریكا لە عێراق، روونكراوەتەوە، موڵك و سامانی رابەر باڵای شۆڕشی ئیسلامی ئێران بە 200 ملیار دۆلار مەزەندە دەكرێت.

.

پێشتر بەرپرسانی ئەمریكا ڕایانگەیاندبوو بەهۆی سزاكانی وڵاتەكەیانەوە بۆ سەر ئێران توانیوویانە لە 10 ملیار دۆلاری داهاتی نەوت بێبەش بكەن و جەختیان لەسەر ئەوە كردەوە كە گوشارەكانیان زیاتر چڕدەكەنەوە بۆ لاوازكردنی دەسەڵاتدارانی ئێران لە ناوچەكەدا.

.