گه‌ڕان

Shadow Shadow
سیاسه‌تی

نرخی نەوت داڕمانێکی نوێی لە سێ مانگی ڕابردوودا تۆمار کرد

2020.09.09 - 08:30
App store icon Play store icon Play store icon
نرخی نەوت داڕمانێکی نوێی لە سێ مانگی ڕابردوودا تۆمار کرد

ناس کورد-

نرخى نەوت بۆ نزمترین ئاست لەماوەى سێ مانگدا دابەزى و 5.3%ى نرخەکەى لەدەستدا، ئەوەش بەهۆى بەرزبوونەوەى بەرچاوى ژمارەى توشبووانى کۆرۆنا لە هەندێ وڵات، لەگەڵ کەمکردنەوەى نرخى فرۆشتنى ئەو وزەیە لەلایەن سعودیەوە.

کەناڵی ناس کورد لە تێلیگرام جۆین بکە   

 

نرخى نەوتى برێنت کە پێوەرێکى جیهانییە ئەم بەیانییە دابەزی بۆ 39 دۆلار و 70 سەنت، ئەوەش بۆ یەکەمجار لە مانگى حوزەیرانەوە تا ئێستا. هەروەها نەوتى خاوى ئەمریکى بە 36.76 دۆلار مامەڵەى پێوەکرا.

 

زیادبوونى ئامارى توشبووانى کۆرۆنا گەشەى ئابورى جیهانى خاوکردووەتەوە و کاریگەرى لەسەر خواست لەسەر وزە دروستکردووە.

 

بەپێی ئامارەکان، لە هیندستان و بەریتانیا و ئیسپانیا و هەندێ ویلایەتى ئەمریکى ژمارەى توشبووان بەشێوەیەکى بەرچاو بەرزبوونەتەوە.

 

هۆکارێکی دیکەی کەمبونەوەی نرخی نەوتی خاو دەگەڕێنرێتەوە بە بۆ کەمکردنەوەی نرخی فرۆشتنی ئەو بەرهەمە لەلایەن کۆمپانیای ئارامکۆی سعودیەوە تا مانگی (تشرینی یەکەم)ی ئەمساڵ، کە وەک ئاماژەیەک بۆ نەمانی خواست لەسەر نەوتی خاو لێکدەدرێتەوە.  

 

هەرچەندە رێکخراوی وڵاتانی هەناردەکاری نەوت (ئۆپیک) بەردەوامە لە کەمکردنەوەی ئاستی بەرهەمهێنان بە بڕی 7.7 ملیۆن بەرمیل لە رۆژێکدا، بەڵام هێشتا بازاڕەکان و کۆگاکان پڕن لە نەوت.   

  

 ئاژانسی وزەى نێودەوڵەتی لە دوایین راپۆرتیدا لە  13ی ئاب پێشبینییەکانی بۆ خواست لەسەر نەوت دابەزاند، هۆشداریشیدا لەوەی کەمبوونەوەی گەشتە ئاسمانییەکان رۆژانە خواست لەسەر نەوت بە رێژەى 8.1 ملیۆن بەرمیل کەمدەکاتەوە.