گه‌ڕان

Shadow Shadow
سیاسه‌تی

پارتی چی بە تورکیا وتووە؟

چاوشئۆغڵو نهێنی نوێ لەبارەى کۆبوونەوەکەی لەگەڵ نێچیرڤان بارزانی ئاشکرا دەکات

2020.09.08 - 17:35
App store icon Play store icon Play store icon
چاوشئۆغڵو نهێنی نوێ لەبارەى کۆبوونەوەکەی لەگەڵ نێچیرڤان بارزانی ئاشکرا دەکات

ناس کورد-

مەولود چاوشئۆغڵو، وەزیری دەرەوەی تورکیا ڕایگەیاند، پەکەکە دەیەوێت هێرش بکاتە سەر هەولێر و دەستی بەسەردا بگرێت، ئەو بابەتەشی "لەگەڵ نێچیرڤان بارزانی، سەرۆکی هەرێمی کوردستان باس کردووە".

کەناڵی ناس کورد لە تێلیگرام جۆین بکە   

 

ئەمڕۆ سێشەممە، چاوشئۆغڵو لە کۆنگرەیەکی رۆژنامەوانییدا ئدەڵێت، "پەکەکە زۆرترین زیانی گەیاندووە بە کورد و ئەم بابەتە پارتی دیموکراتی کوردستان و مەسعود بارزانی و نێچیرڤان بارزانی بە واتایەکی دیکە حکومەتی هەرێمی کوردستان لە ناوچەکە بە ئاشکرا باسیان کردووە".

 

دەشڵێت، "پەکەکە ئێستا تەواو دەستی بەسەر یەکێتیی نیشتمانیی کوردستاندا گرتووە لە ناوچەی سلێمانی، کۆنترۆڵی شارەکانی کردووە، دەستی بەسەر هەزار گوندا گرتووە، مەبەستی پەکەکە لەوە دەستبەسەرداگرتنی هەولێرە، کاتێک لە هەوڵەکانی بۆ جیاکردنەوەی تورکیا سەرنەکەوت".

 

ڕۆژی 4ی ئەیلولی 2020، نێچیرڤان بارزانی و شاندێکی یاوەری بە سەردانێکی پێشتر ڕانەگەیەنراو سەردانی ئەنقەرەی کرد و لەگەڵ مەولود چاوشئۆغڵۆ و دواتر ئەردۆغاندا کۆبووەوە.

 

زیاتر بخوێنەوە: مەولود چاوشئۆغڵۆ: لەگەڵ نێچیرڤان بارزانی تاوتوێی شەڕە هاوبەشەكەمان كرد لەگەڵ پەكەكە

 

مەولود چاوشئۆغڵو باسی لەوەشکرد: "وەک ئەوەی کە پارتی و بارزانی باسی لێوە دەکەن، پەکەکە سیاسەتی دەستبەسەرداگرتنی ناوچەکە جێبەجێ دەکات و بە زۆر دەیەوێت منداڵان ببات بۆ شاخ، منداڵانی کورد و منداڵانی ئێزدی و چەک دەدات بە دەستیان و چەکداریان دەکات".

 

وتیشی: "حکومەتی هەرێم زۆر جار تەئکیدی لەو بارودۆخە کردووەتەوە، لە سەردانەکەی نێچیرڤان بارزانی بۆ تورکیایش باسی ئەوەمان کرد".