گه‌ڕان

Shadow Shadow
سیاسه‌تی

کەمبوونى خواست و کۆرۆنا و زیادبونى نەوتى عەمبارکراو نرخى نەوتى دابەزاند 

2020.09.08 - 14:56
App store icon Play store icon Play store icon
کەمبوونى خواست و کۆرۆنا و زیادبونى نەوتى عەمبارکراو نرخى نەوتى دابەزاند 

ناس کورد-

بەهۆی هەڵکشانی ژمارەی توشبووان بە ڤایرۆسی کۆرۆنا لە ئەمریکا و وڵاتانی جیهان، متبوونی گەشەی ئابوریی جیهانی و کەمبونەوەی خواست لەسەر نەوتی خاو، نرخی نەوت ڕووی لە دابەزین کرد.

 

کەناڵی ناس کورد لە تێلیگرام جۆین بکە   

 ئەمڕۆ (سێشەممە، 8ی ئەیلولی 2020) نرخی نەوتی خاوی برێنت 15 سەنت دابەزی، کە دەکاتە 0.4% نرخەکەیی و لەدواین مامەڵەدا بە 41.86 دۆلار فڕۆشرا.

 

لەبەرامبەردا نرخی نەوتی خاوی تەکساسی ئەمریکی 1.07 دۆلار دابەزینی بەخۆیەوە بینیوە و لە دواین مامەڵەدا بە 38.70  دۆلار بۆ هەر بەرمیلێک مامەڵەی پێوەکرا، بەوەش نرخەکەی بەڕێژەی 3% کەمیکردوە.

 

بەگوێرەى دواین ئامارەکانی کۆرۆنا لە ئەمریکا، لە کۆی 55 ویلایەت ژمارەی توشبووانی کۆرۆنا لە 22 ویلایەت لە هەڵکشاندایە، هاوکات ژمارەی توشبوون بەو پەتایە  لەوڵاتی بەریتانیا و هیندستان بۆ ئاستێکی مەترسیدار بەرزبوەوە، بەمەش نیگەرانییەکان لەبارەی کەمبونەوەی خواست لەسەر نەوتی خاو زیادی کردووە.

 

هۆکارێکی دیکەی کەمبونەوەی نرخی نەوتی خاو دەگەڕێتەوە بە بۆ کەمکردنەوەی نرخی فڕۆشتنی ئەو بەرهەمە لەلایەن کۆمپانیای ئارامکۆی سعودیەوە تا مانگی (تشرینی یەکەم)ی ئەمساڵ، وەک ئاماژەیەک بۆ نەمانی خواست لەسەر نەوتی خاو لێکدەدرێتەوە.

 

دابەزینی نرخی نەوت لە بازارەکانی جیهان لە کاتێکدایە کە دوێنێ (دووشەممە، 7ی ئەیلولی 2020) لەگەڵ کرانەوەی بازاڕەکاندا زیاتر لە 1٪ی بەهاکەی لەدەستدا و گەڕایەوە نرخەکانی مانگی تەمموز کە بەرمیلێک نەوتی برێنت لە دەوروبەری 42 دۆلار مامەڵەی پێوە دەکرا.

 

زانیارییىەکان ئاماژە بەوە دەکەن داشکاندنی نرخی نەوت بۆ وڵاتانی ئاسیا لەلایەن سعودیە و کەمبوونەوەی گەشبینی بە باشبوونەوەی ئابوریی جیهان بەهۆی ڤایرۆسی کۆرۆنا هۆکاری دابەزینی نرخەکانی نەوتن.

 

هەرچەندە رێکخراوی وڵاتانی هەناردەکاری نەوت بەردەوامە لە کەمکردنەوەی ئاستی بەرهەمهێنان بە بڕی 7.7 ملیۆن بەرمیل لە رۆژێکدا، هێشتا بازاڕەکان و کۆگاکان پڕن لە نەوت. 

 

 ئاژانسی نێودەوڵەتیی وزە لە دوایین راپۆرتیدا لە  13ی ئاب پێشبینییەکانی بۆ خواست لەسەر نەوت دابەزاند، هۆشداریشیدا لەوەی کەمبوونەوەی گەشتە ئاسمانییەکان رۆژانە خواست لەسەر نەوت 8.1 ملیۆن بەرمیل کەمدەکاتەوە.