گه‌ڕان

Shadow Shadow
سیاسه‌تی

سوپای تورکیا تەقە لە گوندەکانی برادۆست دەکات

2020.09.08 - 13:43
App store icon Play store icon Play store icon
سوپای تورکیا تەقە لە گوندەکانی برادۆست دەکات

ناس کورد- ئاکۆ حەمەد رابی

 

سوپای تورکیا تەقەی لە ژمارەیەک گوندی برادۆست کرد و فڕۆکەی چاودێریش  بەئاسمانی ناوچەکە دەسورێتەوە، موختاری گوندێکیش دەڵێت، زیانی گیانیان پێنەگەیشتووە.

کەناڵی ناس کورد لە تێلیگرام جۆین بکە   

 

جەلال عوزێر موختاری گوندی خەلیفان بە ناس کوردی ڕاگەیاند، "ئەمڕۆ سوپای تورکیا لە بەرزای چیادێل تەقەی بەسەر سێ گوندەکانی خەلیفان، سیران و گەروا کردووە تەقەکردنەکەش بۆ ماوەیەک بەردەوامبوو".

 

باسی لەوەشکرد، لەکاتی تەقەکردنەکەدا فڕۆکەیەکی چاودێری سوپای تورکیا بەئاسمانی سنورەکەدا دەسوڕایەوە.

 

جەلال عوزێر وتیشی "بەهۆی تەقەکردنەکەی ئەمڕۆی سوپای تورکیاوە هیچ زیانێکی گیانیمان پێنەگەیشتووەو گشت گوندنشینان سەلامەتن، بەڵام توشی ترس و دڵەڕاوکێیەکی زۆر بوینەتەوە".

 

تەقەکردنى سوپاى تورکیا لەو گوندانە لەکاتێکدایە، لەچەند رۆژى ڕابردوودا تورکیا کۆتایی هاتنى ئۆپراسیۆنى سەربازى دژى پەکەکە لە قوڵایی خاکى هەرێم ڕاگەیاند کە ماوەى زیاتر لە دوو مانگ بەردەوام بوو.

 

بەهۆى ئۆپراسیۆنەکەوە ژمارەیەکى زۆرى گوندە سنورییەکان چۆڵکراون و بۆردومانەکانى سوپاى تورکیا بۆ سەر سنورەکان شەهیدبوون و برینداربوونى ژمارەیەک هاوڵاتى مەدەنى لێکەوتووەتەوە.