گه‌ڕان

Shadow Shadow
سیاسه‌تی

لە هەولێر ئافرەتێک دەستگیرکرا ’خۆى وەک کەمئەندام نیشانداوە و دەرۆزەی دەکرد’

2020.09.07 - 15:23
لە هەولێر ئافرەتێک دەستگیرکرا ’خۆى وەک کەمئەندام نیشانداوە و دەرۆزەی دەکرد’

ناس کورد-

بەڕێوەبەرایەتی پۆلیسی هەولێر ڕایگەیاند، ئافرەتێکیان دەستگیرکردووە کە لەسەر عارەبانەیەك دانیشتووە و خۆی وا نیشان داوە كە خاوەن پێداویستیی تایبەتە و دەرۆزەی کردووە، لە كاتێكدا هیچ كێشەیەكی تەندروستی نییە.

 

لەڕاگەیەندراوێکدا بەڕێوەبەرایەتیی پۆلیسی هەولێر ڕایگەیاند: " بە هەماهەنگی لەگەڵ لیژنەکانی قایمقامیەتی قەزای ناوەندیی هەولێر، كاتژمێر 12:30 خولەکی شەوی ڕابردوو لە ترافیكلایتی گوڵان ئافرەتێكیان دەستبەسەر كرد كە لەسەر عارەبانەیەك دانیشتبوو و خۆی وا نیشان دەدا كە خاوەن پێداویستیی تایبەتە و دەرۆزەی دەكرد، لە كاتێكدا هیچ كێشەیەكی تەندروستی نەبوو".

 

ئاماژەی بەوەشكرد:" پەڕاوی لێکۆڵینەوەی بۆ ڕێکخرا و بەپێی ماددە (390) لە یاسای سزادان ئافرەتەکە ڕاگیرا و ڕادەستی دادگا کرا".

 

لەڕاگەیەندراوەکەدا، پۆلیسی هەولێر هۆشداری دەداتە هاووڵاتیان، ئەو جۆرە كەسانە كاریگەرییان بەسەر هەست و سۆزیانەوە نەبێت و خێریان پێ نەكەن، چونكە خەڵكی دیكەش چاویان لێ دەكات و بەمەش دیاردەی دەرۆزەكردن زیاتر پەرە دەستێنێت، كە دیاردەیەكی ناشیاو و ناشارستانییە و سیمای كۆمەڵگا دەگۆڕێت.