گه‌ڕان

Shadow Shadow
سیاسه‌تی

پشتیوانى لە دۆناڵد ترەمپ دەکات

برازایەکى بن لادن هۆشدارى لە هێرشێکى هاوشێوەى 11ى سێپتەمبەر دەدات 

2020.09.06 - 23:40
برازایەکى بن لادن هۆشدارى لە هێرشێکى هاوشێوەى 11ى سێپتەمبەر دەدات 

ناس کورد- 

ڕۆژنامەى نیویۆرک پۆست بڵاوى کردەوە، برازایەکى ئوسامە بن لادن کە لەسویسرا دەژی هۆشدارى ئەوە دەدات لەئەگەرى سەرکەوتنى  جۆ بایدنى کاندیدى دیموکراتەکان بۆ پۆستى سەرۆکایەتى ئەمریکا هێرشێکى هاوشێوەى 11ى سێپتەمبەر دووبارە دەبێتەوە.

 

 

برازاکەى بن لادن جەخت لەسەر ئەوەش دەکاتەوە کە بۆ هەڵبژاردنى ساڵى 2020 پشتیوانى تڕەمپ دەکات و سەرۆکى ئێستاى ئەمریکاش بەوە وەسف دەکات کەپڕ بایەخە بۆ ئەم نەوەیە.

 

نور بن لادن ڕایگەیاندووە، داعش لەژێر سایەى ئیدارەکەى ئۆباما و بایدن بڵاوبووەتەوە و گەیشتووەتە ئەوروپا و تڕەمپیش بۆ پاراستنى ئەمریکا و ئەوروپا لەهەڕەشەى دەرەکى لەڕێگەى قەڵاچۆکردنى تیرۆرەوە پەیدا بووە.



نور بن لادن دەڵێت:" من لەسەرەتاى کاندیدکردنیەوە لەساڵى 2015ەوە لایەنگرى دۆناڵد تڕەمپ بووم و لەدوورەوە بینیومەو و بەقەد و باڵاى سەرسامم، دەبێت دووبارە هەڵبژێردرێتەوە و ئەوەش بڕیارێکى باشە نەک تەنها بۆ ئایندەى ئەمریکا بەڵکو بۆ شارستانیەتى ڕۆژئاوا بەگشتى".

 

نور ئەوەشى ڕوونکردووەتەوە، سەیرى ئەو هەموو هێرشە تیرۆریستانە بکەن کە لەماوەى 19 ساڵى ڕابردوودا بەئەوروپادا بڵاوبووەتەوە و ئیسلامى توندڕەو کۆمەڵگەکەیانى بەتەواوى گیرۆدە کردووە و چەپگەرایش کەوتووەتە دەستى ئەوانە کە بەشدارى لەو ئایدۆلۆژیایە دەکەن.

 

نور بن لادن بەئەمریکیەکانیش دەڵێت، دۆخێکە لەوڵاتەکەتان کەسانى وەکو ئیلهان عومەرى  پەرلەمانتارى تێدایە و بەهەمو شێوەیەک چالاکى دژى وڵاتەکەتان دەکات و باسى لەوەش کردووە کەئەو پەرلەمانتارە داواى لێخۆشبوونى بۆ 13 چەکدارى داعش کرد کە لەویلایەتى مینسوتا دەستگیرابوون.

 

نور بن لادن کچى کارمن دۆفۆرى ژنە نوسەرى سویسرییە و زڕبراى ئوسامە بن لادنە و لەساڵى 1988ەوە دایکى لە باوکى جیابووەتەوە و نور لە سویسرا گەورە  بووە.