گه‌ڕان

Shadow Shadow
سیاسه‌تی

پەرلەمانتارێکى یەکێتى ئەوروپا: بۆ سزادانى تورکیا کۆدەبینەوە 

2020.09.06 - 17:19
App store icon Play store icon Play store icon
پەرلەمانتارێکى یەکێتى ئەوروپا: بۆ سزادانى تورکیا کۆدەبینەوە 

ناس کورد-

ئەندامێکى پەرلەمانى یەکێتى ئەوروپا ئاشکراى کرد، لە چەند ڕۆژى داهاتوودا بەمەبەستى سەپاندنى چەند سزایەک بەسەر تورکیادا بەهۆى دەستدرێژییەکانى لەناوچەکانى خۆرهەڵاتى ناوەڕاستدا پەرلەمانى ئەوروپا کۆدەبێتەوە، ئاماژەى بەوەش کرد نەگەیشتنە کۆدەنگییەک لەکۆبوونەوەکەدا لەدژى ڕژێمى ڕەجەب تەیب ئەردۆگان زیان بە یەکێتى ئەوروپا دەگەیەنێت. 

 

کەناڵی ناس کورد لە تێلیگرام جۆین بکە   

لەچاوپێکەوتنێکیدا لەگەڵ کەناڵى سکاى نیوز، کۆستاس مافریدس  پەرلەمانتارى یەکێتى ئەوروپا رونیکردەوە، چەند ڕۆژێکى تر لەکۆبونەوەیەکى پەرلەمانى ئەوروپادا تاوتوێى دۆخى ناوچەکە دەکرێت ئەوەش بەئامانجى دەرکردنى بڕیارێک لەسەر دەستدرێژییەکانى تورکیا بۆ سەر ناوچەکانى خۆرهەڵاتى ناوەڕاست.

 

ئەو پەرلەمانتارە جەختى کردەوە، لەکۆبونەوەکەدا داواش دەکەن لانیکەم سزاى ئابورى بەسەر تورکیادا بسەپێنرێت.

 

چەند ڕۆژێک لەمەوبەریش یەکێتى ئەوروپا هەڕەشەى ئەوەى لەتورکیا کرد گەر بێتو کێشەکانى بەڕێگاى ئاشتیانە لەگەڵ یۆناندا چارەسەر نەکات و سور بێت لەسەر گەڕان و پشکینین بەدواى وزەدا لەو ناوچانەى کە ناکەونە سنورە ئاوییەکانیەوە ئەوا سزاى بەسەردا دەسەپێنن.

 

کۆستاس جەختى لەسەر ئەوەش کردەوە، گەر بێتو هەڵوێستێک لەدژى ئەردۆگان نەنرێت ئەوا خودى یەکێتى ئەوروپا نەک بەتەنها بەڵکو وڵاتانى ئەندامى یەکێتییەکەش زیانیان بەر دەکەوێت.