گه‌ڕان

Shadow Shadow
سیاسه‌تی

هۆکاری گۆڕانی رەنگی مانگ بۆ ڕەنگێکی ژەنگاوی ئاشکرادەکرێت

2020.09.06 - 00:09
هۆکاری گۆڕانی رەنگی مانگ بۆ ڕەنگێکی ژەنگاوی ئاشکرادەکرێت

ناس کورد-

توێژینەوەیەکی زانستیی ئەمریکی هۆکاری ڕەنگبوونی مانگ بەڕەنگی ژەنگاوی  ئاشکراکرد و ئاماژەی بەوەکرد، کارلێکی ماددەی هیماتیت ( ئۆکسیدی ئاسن ) لەگەڵ چوارچێوەی موگناتیسی زەوی هۆکاری دروستبوونی ئەو ڕەنگەیە. 

 

توێژینەوەیەکی زانکۆی"هاوای" ئەمریکی کە لە گۆڤاری" ساینس ئیدڤانسس" بڵاوکراوەتەوە و تیایدا هاتووە: " سەرباری ئەوەی ئاو و ئۆکسجین بوونیان لەسەر مانگ نییە کە دوو توخمی سەرەکین بۆ دروستبوونی ژەنگ بەشێوەیەکی زانستی، بەڵام ڕەنگی مانگ  لەئێستادا ژەنگاوییە کە ئەوەش ماوەیەکی زۆرە زانایانی سەرسام کردووە." 

 

توێژینەوەکە باسیلەوەشکردووە: "بۆدروستبوونی ژەنگ دەبێت کارلێک لەنێوان هیماتێت (ئوکسید ئاسن) و ئاو و ئۆکسجین ڕووبدات کە ئەوانەش لەسەر مانگ بونیان نییە، بەڵام  زانایانی  ئاژانسی ناسا و پەیمانگای جی فیزیایی زانکۆی هاوای توانیویانە لە ڕێگەی یەکێک لە ئۆتۆمبێلە کۆنتڕۆڵکراوەکانی سەر مانگ ماددەی هیماتیت( ئۆکسیدی ئاسن) بدۆزنەوە کە زاناکانی سەرسامکردووە، چونکە پێشتر بڕوایان وابوو کە ماددەی هیماتیت لەسەر مانگ بوونی نییە".  

 

زانایان ئەوەشیان ڕوونکردووەتەوە: "هەسارەی زەوی ڕوڵێکی سەرەکی هەیە لە گۆڕانی ڕەنگی مانگ بۆ ئەو ڕەنگە ژەنگاوییە، چونکە بەشێکی زۆر لە ڕەنگە ژەنگاوییەکەی مانگ کەوتووەتە ئەو ناوچەیەوە کە ڕووی کردووەتە هەسارەی زەوی". 



توێژینەوەکە دەریخستووە، "هۆکاری بوونی ئەو ڕەنگە ژەنگاوییە دەگەڕێتەوە بۆ کاریگەری کارلێکی مەودا و چوارچێوەی موگناتیسی زەوی کە وادەکات گەردیلەکانی ئۆکسجین لەسەر زەوی بگوازێتەوە بۆ سەرخاکی مانگ و هاوشان لەگەڵ گەردیلەکانی ئاو بوونی هەیە لە کەشی مانگ کارلێک بکەن لەگەڵ ماددەی هیماتت ( ئۆکسیدی ئاسن) کە دەبێتە هۆکاری دروستبوونی ژەنگ.   

 

زانایان ئەوەشیان ئاشکرادووە، گەیشتن بەو زانیارییە نوێیانە گریمانەکان لە بارەی ناوچە بەستەڵەکییەکانی مانگ دەگۆڕێت.