گه‌ڕان

Shadow Shadow
سیاسه‌تی

میسى خۆى یەکلاکردەوە و دواجار بڕیارە سەختەکەیدا

2020.09.04 - 20:14
میسى خۆى یەکلاکردەوە و دواجار بڕیارە سەختەکەیدا

ناس کورد-

 

لیۆنێل میسى ئەستێرەى ئەرجەنتینى هەڵوێستى خۆى یەکلاکردەوە و بڕیاریدا لەیانەى بەرشەلۆنە بمێنێتەوە بۆ ماوەى ساڵێکى دیکە، ئەوەش بەپێی پێگەى "گۆڵ" ى وەرزشى.

 

 

پێگەکە لەزارى میسیەوە گواستیەوە، کە لەگەڵ بەرشەلۆنە دەمێنێتەوە بۆ چارەسەرى کێشە یاساییەکەى.

 

وتیشى "ئەو رێگایایەى بەرشەلۆنە گرتویەتیەبەر لەژێر سەرکردایەتى غوسیب بارتومیو کارەساتبارە".

 

ئەوە لەکاتێکدایە، پێشتر باوکى میسى لەنامەیەکدا بۆ خولى ئیسپانى ڕایگەیاندبوو، کوڕەکەى مافى خۆیەتى لەبەرشەلۆنە بڕوات، بەبێ ئەوەى 700 ملیۆن یۆرۆ بدات وەک مەرجى رۆیشتنى بەپێی بەندێکى گرێبەستەکەى لەگەڵ بەرشەلۆنە.

 

ئەو نامەیە دواى چەند رۆژێک هات لە ڕاگەیاندنەکەى خولى ئیسپانى بەوەى میسى بەپێی گرێبەستەکەى دەبێت تا کۆتایی وەرزى داهاتوو لە یانەکەى بمێنێتەوە و بەبێ پێدانى ئەو بڕە پارەیە ناتوانێت یانەکە جێبهێڵێت.

 

پێشتر پارێزەرەکانى میسى ئاماژەیان بەوەکردبوو، ئەو مەرجەى میسى واژۆى لەسەرکردووە لە گرێبەستەکەیدا لەساڵى 2017، رێگەی پێدەدات یانەکە جێبهێڵێت بەبێ ئەوەى هیچ بڕە پارەیەک بدات.  

  

ئەو ماددەیە رێگەى بە میسى داوە تا پێش 10ى حوزەیران داواکە پێشکەشبکات بۆ ئەوەى بەبێ پێدانى هیچ بڕە پارەیەک بە یانەکەى، بەڵام پارێزەرەکانى دەڵێن ئەو ماددەیە ماناى کۆتایی وەرزى ئەمساڵە، کە بەهۆى کۆرۆناوە تا ئەم مانگە درێژکراوەتەوە.  

  

هەر بەپێی گرێبەستەکە کە کۆتایی وەرزى داهاتوو کۆتایی دێت، میسى دەتوانێت یانەکەى جێبهێڵێت بەمەرجى ئەوەى 700 ملیۆن یۆرۆ بداتە یانەکەى.