ناس کورد-
لە کاتژمێرەکانی بەرەبەیانی ئەمڕۆوە ئاگرێکی گەورە لە چیای گۆیژەى شاری سلێمانی کەوتووەتەوە و تاوەکو ئێستاش بە تەواوەتی کۆنتڕۆڵ نەکراوە.
کەناڵی ناس کورد لە تێلیگرام جۆین بکە
ئەمڕۆ هەینی، 4ی ئەیلولی 2020، پەیامنێری ناس کورد ڕایگەیاند، ئاگرەکە نزیکبووەتەوە لە یەکەکانی نیشتەجیبوون لە دامێنی چیاکەوە و تیمەکانی بەرگریی شارستانیش داوایان لە دانیشتوانی یەکەکانی گۆیژە سیتی کردووە پێویستە ماڵەکانیان چۆڵ بکەن، ئەوەش بەهۆی بوونی بایەکی خێرا کە بووەتەهۆی تەشەنەسەندنی ئاگرەکە.
وتیشی، جگە لە پوش و پاوان، ئاگرەکە بووەتەهۆی سوتاندنی دار و درەختێکی زۆر لە چیاوەکە و دوکەڵیش ئاسمانی ناوچەکەى داگیرکردووە.
چەندین تیمی ئاگرکوژێنەوە چوونەتە سەر ئاگرەکە و هەوڵی کوژاندنەوەى دەدەن، بەڵام هێشتا بە تەواوی کۆنتڕۆڵ نەکراوە.
