گه‌ڕان

Shadow Shadow
سیاسه‌تی

’تەندروستى جيهانى پرۆتۆكۆڵەكانى چارەسەركردنى كۆرۆنا نوێدەكاتەوە’

دەرمانێك كاريگەرى زۆرى لەسەر سنورداركردنى ڕێژەى گیانلەدەستدان بە كۆرۆنا هەيە

2020.09.03 - 10:54
App store icon Play store icon Play store icon
دەرمانێك كاريگەرى زۆرى لەسەر سنورداركردنى ڕێژەى گیانلەدەستدان بە كۆرۆنا هەيە

ناس کورد- 

حەوت تاقيكردنەوەى نێودەوڵەتى گەيشتنە ئەو ئەنجامەى كە دەرمانێكى خێزانى "ستيرۆيد"ەكان بەڕێژەى 20% مەترسى مردن بە ڤايرۆسىى  كۆرۆناى نوێ كەمدەكاتەوە، ئەوەش وادەكات ڕێكخراوى تەندروستى جيهانى پرۆتۆكۆڵى چارەسەرەكانى بۆ كۆرۆنا نوێ بكاتەوە.

 

کەناڵی ناس کورد لە تێلیگرام جۆین بکە   

بەگوێرەى لێكۆڵينەوەيەك كە ئاژانسى ڕۆيتەرز بڵاويكردوەتەوە، چەند تاقيكردنەوەيەكى جياواز لەسەر بڕى كەمى دەرمانەكانى "هايدرۆكۆرتيسۆن" و "ديسكساميساسۆن" و "ميێسيل پريێدنيسۆلۆن" كراوە و ئەو ئەنجامە بەدەستهاتوە كە "ستيرۆيد"ەكان ڕێژەى مەترسى گیانلەدەستدان بە ڤايرۆسى كۆرۆنا كەمدەكەنەوە، بەتايبەتى ئەوانەى كە بارودۆخيان خراپە و دەخرێنە ژوورى چاودێرى وردەوە.

 

زانايان راگەیەندراوێکدا ئەوەيان بڵاوكردوەتەوە، ئەوەش واتاى ئەوەيە كە نزيكەى 68%ى ئەوانەى بارودۆخيان خراپە لە ژياندا دەمێننەوە دواى بەكارهێنانى "كۆريتيكۆستيرۆيد"ەكان، بەڵام بەبێ بەكارهێنانى ئەو چارەسەرە 60% يان لەژياندا دەمێننەوە.

 

لاى خۆيەوە "جۆناسان ستێرن" مامۆستاى سەرژمێرى پزيشكى و زاناى پەتاكان لەزانكۆى "بريستۆڵ"ى بەريتانى كە يەكێكە لە بەشداربوانى تاقيكردنەوەكە دەڵێت، "ستيرۆيد"ەكان چارەسەرێكى هەرزانە و بەردەستە و شيكردنەوەكان جەختیان لەوە كردوەتەوە كە ڕێژەى گیانلەدەستدان لەنێو حاڵەتە خراپەكاندا بە ڤايرۆسى كۆرۆنا سنوردار دەكات.

 

باسى لەوەشكردوە، ئەو تاقيكردنەوانە كە زانايان لە بەريتانيا، بەڕازيل، كەنەدا، چين، فەرەنسا، ئيسپانيا و ولايەتە يەكگرتوەكانى ئەمريكا كردويانە پەيامێك دەدات ئەويش ئەوەيە كە ئەو چارەسەرە سودى هەيە بۆ حاڵەتە خراپەكان، جا تەمەنى توشبوو چەند بێت ياخود جۆرەكەى چى بێت و ماوەكەى چەندە.

 

ئەنجامى تاقيكردنەوەكان پشتگيرى ئەو بڵاوكراوە دەكەن كە لەمانگى شەش لە گۆڤارى كۆمەڵەى پزيشكى ئەمريكى بڵاوكرابوەوە و تێيدا ستايشى "ديكساميسازۆن"ى كردبوو وەك يەكەم دەرمانى چالاك بۆ سنورداركردنى ڕێژەى مردن بە كۆرۆنا.

 

لەو كاتەوە ئەو چارەسەرە لەسەر ئاستێكى فراوان لە ناوەندە تەندروستيەكان بەكاردەهێنرێت لەلايەن هەندێك لە دەوڵەتانەوە، شارەزايان جەخت دەكەنەوە كە دەرمانەكە كاريگەرى لەسەر ئەو توشبوانەش هەبووە كە بەهۆى خراپى بارودۆخيان ئامێرى هەناسەدانى دەستكرديان بۆ بەكارهێنراوە.

 

جەختیان لەسەر ئەوەشكردوەتەوە، دواى ئەو تاقيكردنەوانە ڕێكخراوى تەندروستى جيهانيش پرۆتۆكۆڵەكانى چارەسەركردنى كۆرۆنا نوێدەكاتەوە.