گه‌ڕان

Shadow Shadow
سیاسه‌تی

بکوژەکە دەستگیرکراوە

بەغدا؛ پیاوێک بەتۆمەتی ’ناپاکی هاوسەرگیری’ هاوژینەکەی بەچەقۆ کوشت

2020.09.02 - 23:58
بەغدا؛ پیاوێک بەتۆمەتی ’ناپاکی هاوسەرگیری’ هاوژینەکەی بەچەقۆ کوشت

ناس کورد-

بە تۆمەنی ناپاکی هاوسەرگیری، پیاوێک لە باخچەیەکی ناوچەی (ئەبو نەواس) لەبەغدای پایتەخت هاوژینەکەی بەچەقۆ کوشت.

 

 ئەمڕۆ (چوارشەممە،2ی ئەیلولی 2020) سەرچاوەیەکی ئاگادار لە پۆلیسی شاری بەغدا بە ناس کوردی ڕاگەیاند "پیاوێک لە باخچەیەکی ناوچەی ( ئەبو نەواس)ی شاری بەغدا کە دەکەوێتە گەرەکی کەڕادە لەسەر ڕۆخی رووباری دیجلە هاوژینەکەی بە چەقۆ کوشتووە".

 

 سەرچاوەکە ئاماژەى بەوە کرد "دوای ئاگادارکردنەوەی پۆلیس لە ڕووداوەکە کارمەندانی بەشی پۆلیسی ناوچەی کەرخ گەیشتونەتە شوێنی رووداوەکە و توانیویانە تۆمەتبارەکە دەستگیر بکەن".

 

 بەوتەی سەرچاوەکەی پۆلیسی شاری بەغدا، "هاوسەری ژنە کوژراوەکە دانی بە تاوانەکەیدا ناوە وهۆکاری کوشتنی هاوژینەکەی گەڕاندووەتەوە بۆ ناپاکی هاوسەرگیری".

 

ئەوەشخراوەتەڕوو "لە ئێستادا پەڕاوی لێکوڵێنەوە بۆ ڕووداوەکە لەلایەن دادوەری لێکوڵێنەوەی ناوچەی کەرخ بۆ تاوانەکە کراوەتەوە".