گه‌ڕان

Shadow Shadow
سیاسه‌تی

خانەقین؛ پیاوێک هاوسەرەکەی کوشت و خۆیشی بەدوایدا

2020.09.01 - 17:49
خانەقین؛ پیاوێک هاوسەرەکەی کوشت و خۆیشی بەدوایدا

ناس کورد-

بەڕێوەبەری ناحیەی قەرەتەپەی سەر بەقەزای خانەقین ڕایگەیاند، بەهۆی کێشەیەکی خێزانییەوە لە گوندێکی سەربە ناحییەکە، پیاوێک هاوسەرەکەی خۆی بەدەسترێژی گولـلە کوشتووە و دواتریش کۆتایی بەژیانی خۆی هێناوە.

 

ئەمڕۆ سێشەممە،1ی ئەیلولی 2020، وەسفی تەمیمی، بەڕێوەبەری ناحیەی قەرتەپەی سەربە قەزای خانەقین لە لێدوانێکی تایبەتدا بە ناس کوردی ڕاگەیاند: "بەهۆی کێشەیەکی  خێزانییەوە لە یەکێک لە گوندەکانی سەر بە ناحییەکە، پیاوێک بە دەسترێژی گولـلە هاوسەرەکەی خۆی کوشتووە و دواتریش گولـلەیەکی بەخۆیەوە ناوە و کۆتایی بە ژیانی خۆی هێناوە".

 

وتیشی: "پیاوەکە لە ناوەڕاستی تەمەنیدا بووە و باری دەرونییشی تەواو نەبووە، بەهۆی بە شودانی کچەکەی لەگەڵ هاوسەرەکەیدا بەشەڕ هاتووە و لە ئاکامدا هاوسەرەکەی بە گولـلە کوشتووە".

 

بەڕێوەبەری ناحیەی قەرەتەپە ئاماژەی بەوەشکرد: "دوای ئاگادارکردنەوەمان لە ڕووداوەکە هێزەکانی پۆلیس ڕاستەوخۆ چوونەتە شوێنی مەبەست و هەردوو تەرمەکەیان گواستووەتەوە بۆ پزیشکی دادی لە پارێزگای دیالە، لەئێستاشدا پەڕاوی لێکوڵینەوە بۆ ڕووداوەکە کراوەتەوە."