گه‌ڕان

Shadow Shadow
سیاسه‌تی

دوو ژن چۆن فێڵیان لە شۆفێرانى ئۆتۆمبیلى مۆدێل بەرز کردووە؟

پۆلیس دزییەکى جیاوازى لە هەولێر ئاشکراکرد

2020.08.31 - 20:35
پۆلیس دزییەکى جیاوازى لە هەولێر ئاشکراکرد

ناس کورد-

 

پۆلیسى هەولێر دەستگیرکردنى دوو ژنى ڕاگەیاند، بەتۆمەتى ئەنجامدانى سێ تاوانى دزیکردن.

 

بەپێی ڕاگەیەنراوێکى پۆلیسى هەولێر، بەشی پۆلیسی نەهێشتنی تاوان/ نوسینگەی باکوور توانیویانە لەماوەی دوو کاتژمێر دوو تۆمەتباری ئافرەت بەناوەکانی (چ.ش.ف) و (س.ص.ف) دەستگیر بکەن.

 

ئاماژەى بەوەشکردووە، "تۆمەتباران دوای دەستگیرکردنیان دانیاننا بە ئەنجامدانی (٣) تاوانی دزیکردن کە لە ڕێگای نێوان هەولێر - موسڵ، ئۆتۆمبێلی مۆدێل بەرزیان ڕادەگرت و بەفێڵ پارەیان لە شۆفێرەکە دەدزی".

 

بەپێی ڕاگەیەنراوەکەى پۆلیس، بڕی پارەی دزراو بە نزیکەیی (٨٥٥٠٠٠٠) هەشت ملیۆن و پێنچ سەد و پەنجا هەزار دەخەمڵێنرێت، پەڕاویان بۆ ڕێکخرا و بەپێی ماددە (٤٤٦) لەیاسای سزادان ڕاگیراون.