گه‌ڕان

Shadow Shadow
سیاسه‌تی

ئەندامێكى ليژنەى ئاسايش و بەرگرى: لە چەند ڕۆژى داهاتوودا بكوژى چالاكوانان دەستگير دەكرێن

2020.08.29 - 20:34
App store icon Play store icon Play store icon
ئەندامێكى ليژنەى ئاسايش و بەرگرى: لە چەند ڕۆژى داهاتوودا بكوژى چالاكوانان دەستگير دەكرێن

ناس کورد- 

بەدر زيادى ئەندامى ليژنەى ئاسايش و بەرگری لە پەرلەمانى عێراق ئاشكرايكرد، لە چەند ڕۆژى داهاتوودا ئەو كەسانەى تێوەگلاون لە كوشتنى چالاكوانان دەستگير دەكرێن، هۆشداريش دەدات لە بزوێنەرێكى دەرەكى كە هەوڵى تێكدانى ئاسايشى بەسڕە دەدات.

کەناڵی ناس کورد لە تێلیگرام جۆین بکە   

 

زيادى لە ڕاگەیەندراوێکدا ڕايگەياندووە، بزوێنەرێكى دەرەكى هەيە كە ئەجێندايەكى هەيە و ئامانجى دروستكردنى ئاژاوە و تێكدانى بارودۆخى ئەمنى پارێزگاى بەسرەيە.

 

باسى لەوەشكردوە، گۆڕينى پلانى ئەمنى لەلايەن فەرماندەى نوێى پۆليس و بڵاوكردنەوەى خاڵى پشكنينى هاوبەش لە شارەكە بووە هۆى كۆنترۆڵكردنى بارودۆخەكە، ئەوەش دڵنيايى دەداتە هاوڵاتيان كە هێزە ئەمنيەكان كارى جدى لەو مەلەفەدا دەكەن.

 

زيادى ئەوەشى ڕونكردوەتەوە، ئاسايىشى بەسڕە بەرەو باشتر دەڕوات و ڕێگرى لەو ئاژاوەيە كرا كە لە هەندێك پارێزگا ڕوويدا، لە چەند ڕۆژى داهاتوو ئەنجامدەرانى تاوانى كوشتنى چالاكوانان دەستگير دەكرێن و دواى تەواوبونى لێكۆڵينەوەكان هەموان ئاگادار دەكرێنەوە.

 

ئەو پەرلەمانتارە تەئكيديش دەكاتەوە، ئەوانەى ئەو تاوانانەيان ئەنجامداوە ڕۆڵەى پارێزگاكە نين و دەستى دەرەكييە كە كار بۆ دروستكردنى ئاژاوە و خۆپيشاندانى نائاشتيانە دەكات، ئەوەش پێچەوانەى ئەو خۆپيشاندانە ئاشتيانەى كە بەشداريكەرانى ديارن.

 

بەدر زيادى ئاماژەى بەوەشداوە، خاوەنى شەهيدەكانيش خۆيان لە هەندێك خۆپيشاندان بێبەرى كردووە كە تێيدا چەك هەڵگيراوە و مۆلۆتف نراوە بەهێزە ئەمنيەكانەوە، بەسرە سيەكانى عێراقە و ئەگەر كێشەى ئەمنى و ئاژاوە تێيدا ڕووبدات بەهۆى ئەوەوە هەموو وڵات دەسوتێت.