گه‌ڕان

Shadow Shadow
سیاسه‌تی

بەوێنە و ڤیدیۆ؛ لە حاجیاوا هاووڵاتییەك بەدەستڕێژی گوللـە کوژرا

2020.08.28 - 12:02

ناس کورد-

لەناحیەی حاجیاوای سەربە قەزای ڕانیە هاووڵاتییەک بەدەستڕێژی گوللـە کوژرا و پەیامنێری ناس کوردیش دەڵێت، ڕووداوەکە لەسەر کێشەی کۆمەڵایەتییەوە بووە.

 

لەوبارەیەوە پەیامنێری ناس کورد لەڕانیە ڕایگەیاند، پێشنیوەڕی ئەمڕۆ هەینی 28ی ئابی 2020، لە مەیدانی ناحیەی حاجیاوای سەربە قەزای ڕانیە لە بەئیدارەی ڕاپەڕین، بەهۆی کێشەی کۆمەڵایەتی دەستڕێژی گوللـە لە هاوڵاتییەك بەناوی (عومەر عەوڵا ڕەش) کرا و بەوهۆیەوە دەست بەجێ گیانیلەدەستدا.

 

هاوکات شۆڕش ئیسماعیل، وتەبێژی پۆلیسی ڕاپەڕین بە ناس کوردی وت: " هاووڵاتییەکە تەمەنی 55 ساڵە و پیشەی کاب بووە و لەلایەن کەسێکەوە بە دەستڕێژی گوللەی گیانی لە دەست داوە."

 

وتیشی: "تیمەکانی بەڵگە و تاوان لە شوێنی ڕووداوەکەن و سەرقاڵی کۆکردنەوەی زانیاریەکانن، بەڵام تاوەکو ئێستا بکوژەکە دەستگیر نەکراوە و  هۆکاری کێشەکەش ڕون نەبووەتەوە".

 

ئاماژەی بەوەشكرد: " دۆسییە بۆ ڕووداوەکە کراوەتەوە و لێکۆڵینەوە لە ڕوداوەکە بەردەوامە".