گه‌ڕان

Shadow Shadow
سیاسه‌تی

وەزیری دەرەوەی ئەمریکا کاتی سەپاندنەوەی سەرجەم سزاکان بەسەر ئێراندا ئاشکرادەکات

2020.08.28 - 08:50
وەزیری دەرەوەی ئەمریکا کاتی سەپاندنەوەی سەرجەم سزاکان بەسەر ئێراندا ئاشکرادەکات

ناس کورد-

وەزیری دەرەوەی ئەمریکا ڕایگەیاند، ماوەی هەفتەیەکە وڵاتەکەی دەستیکردووە بە ڕێکخستنی پرۆسەیەک بۆ سەپاندنەوەی سزاکانی سەر ئێراندا و ئاشکراشیکرد، لە 20ی مانگی داهاتووەوە سزاکان بەسەر ئەو وڵاتەدا دەسەپێننەوە.

 

مایک پەمپیۆ، وەزیری دەرەوەی ئەمریکا لەتویتێکدا رایگەیاند: "پرۆسەیەکمان دەستپێکردووە، بۆ ئەوەی سەرجەم سزاکان بەسەر ئێراندا بسەپێنینەوە و لە 20 مانگی داهاتوو پرۆسەکە تەواو دەبێت و سزاکان بەسەر ئەو وڵاتەدا دەسەپێنینەوە."

 

وەزیری دەرەوەی ئەمریکا ئاماژەی بەوەشکردووە: "ئەگەر هەر ئەندامێکی ئەنجوومەنی ئاسایش پێشنیازی لابردنی سزاکانی سەر ئێران بکات، بەرهەڵستیی دەکەین و رێگەی لێدەگرین."

 

وتەکانی پەمپیۆ لەکاتێکدایە هەفتەی رابردوو ئەندامانی ئەنجوومەنی ئاسایشی سەربە نەتەوە یەکگرتووەکان پێشنیازی ئەمریکایان بۆ سەپاندنەوەی سزا نێودەوڵەتییەکان بەسەر ئێراندا رەتکردەوە.