گه‌ڕان

Shadow Shadow
سیاسه‌تی

بافڵ تاڵەبانى هاوسەرۆکى یەکێتى توشبوونى بە کۆرۆنا راگەیاند

2020.08.27 - 22:55
بافڵ تاڵەبانى هاوسەرۆکى یەکێتى توشبوونى بە کۆرۆنا راگەیاند

ناس کورد-

بافڵ تاڵەبانى، هاوسەرۆکى یەکێتى نیشتیمانى کوردستان توشبوونى بە کۆرۆنا ڕاگەیاند و ئاشکراى کرد کە لە ئێستادا بارى تەندروستى جێگیرە.

 

لە راگەیەندراوەکەى بافڵ تاڵەبانى، هاوسەرۆکى یەکێتى ئاماژە بەوە کراوە "بەندەش توشی ڤایرۆسی کۆرۆنا بووم و لە ئێستادا باری تەندروستیم جێگیرە".

 

بەگوێرەى راگەیەندراوەکە، هاوسەرۆکى یەکێتى داوا لە هاووڵاتیان دەکات پابەندی رێنماییەکان بن و پێکەوە رێگربن لەبڵاوبوونەوەی ئەم پەتا جیھانییە و بەسەر ئەم دۆخەدا زاڵبن و دەست لەناو دەستبن بۆ چارەسەرکردنی کێشەکان و ئاوەدانکردنەوەی زیاتری ھەرێمەکەیان و خزمەتکردنی زیاتری کوردستانیان.

 

هاوکات هەر ئەمڕۆ (پێنجشەممە) ئاڵا تاڵەبانى، ئەندامى سەرکردایەتى یەکێتى و پەرلەمانتارى عێراق توشبوونى بە کۆرۆنا ڕاگەیاند.

 

دەقی راگەیەنراوەکە:

کۆمەڵانی خەڵکی کوردستان

 

سەرەتا ھیوای سەلامەتی و تەندروستییەکی باش بۆ ھەموولایەکتان دەخوازم.

 

دەمەوێت پێتان رابگەیەنم، کە بەندەش توشی ڤایرۆسی کۆرۆنا بووم و لە ئێستادا باری تەندروستیم جێگیرە.

 

وەک ھەر کەسێکی تر، خۆم کەرەنتینەکردووە و رێنماییە تەندروستییەکان جێبەجێدەکەم.

 

داواکارم لەھەمووانیش پابەندی رێنماییەکان بن و پێکەوە رێگربین لەبڵاوبوونەوەی ئەم پەتا جیھانییە و بەسەر ئەم دۆخەدا زاڵبین و دەست لەناودەستبین بۆ چارەسەرکردنی کێشەکان و ئاوەدانکردنەوەی زیاتری ھەرێمەکەمان و خزمەتکردنی زیاتری کوردستانیان.

 

دووبارە سەلامەتی و تەندروستی باش بۆ ھەموولایەک دەخوازم و ھیوادارم پارێزراوبن و دووربن لەھەموو نەخۆشی و پەتایەک.

بافڵ تاڵەبانی

هاوسەرۆکی یەکێتیی نیشتمانیی کوردستان