گه‌ڕان

Shadow Shadow
سیاسه‌تی

وەزیری پەروەردە بژاردەی سەرەكیی بۆ خوێندنی ئەمساڵ ئاشكراکرد

2020.08.27 - 14:12
وەزیری پەروەردە بژاردەی سەرەكیی بۆ خوێندنی ئەمساڵ ئاشكراکرد

ناس کورد-

وەزیری پەروەردەی  حکموەتی ھەرێمی كوردستان رایگەیاند، پێشنیازیان ئەوەیە پرۆسەی خوێندن لەكاتی خۆی دەست پێبكاتەو، ئاماژەی بەوەشكرد، بۆ ئەو مەبەستە چاوەڕێی ھەڵسەنگاندنی وەزارەتی تەندروستی دەكەن لەبارەی دۆخەكە.

 

ئالان حەمەسەعید، وەزیری پەروەردەی هەرێم لەمیانەی خەڵاتکردنی خوێندکارە یەکەمەکانی پارێزگای دهۆک، ڕایگەیاند: " بژاردەی ئێمە ئەوەیە دەوامی قوتابخانەكان لەكاتی خۆی دەست پێبكاتەوە".

 

وتیشی: "پێویستە چاوەڕێی ھەڵسەنگاندنی وەزارەتی تەندروستی بكەین لەبارەی دۆخەكە، ئەگەر ھەڵسەنگاندنی وەزارەتی تەندروستی ئەوەبێت كە دەوام بۆ چەند ھەفتەیەك لەكاتی خۆی دوابخرێت، ئەوا بە باشی نازانین بیر لە بژاردەی دیكە بكەینەوە.'

 

ئالان حەمەسەعید باسی لەوەشكرد، دەیانەوێت لەگەڵ پاراستنی گیانی مامۆستا و قوتابیان كوالێتی خوێندنیش بپارێزن.

 

وەزیری پەروەردە، جەختیكردەوە، تائێستا ھیچ بڕیارێك دەربارەی گۆڕانكاری لە دەوام نەدراوە، ئەوەی باس دەكرێت تەنھا تاووتوێكردنە و لە حاڵەتی ناچاری پەنا بۆ بژاردەی دیكە دەبەن.