گه‌ڕان

Shadow Shadow
سیاسه‌تی

دادوەرەکە چی پێوت؟

نیوزلەندا سزایەکى بەسەر هێرشەکەری سەر مزگەوتەکاندا سەپاند کە پێشتر هاوشێوەی نەبووە

2020.08.27 - 09:07
App store icon Play store icon Play store icon
نیوزلەندا سزایەکى بەسەر هێرشەکەری سەر مزگەوتەکاندا سەپاند کە پێشتر هاوشێوەی نەبووە

ناس کورد- 

دادگاى نیوزلەندا سزایەکى بەسەر هێرشکەری سەر مزگەوتەکانی ئەو وڵاتەدا سەپاند کە یەکەمجارە سزایەکی لەوشێوەیە بەسەر تاوانبارێکدا لەو وڵاتەدا دەسەپێنرێت و پێشتر هاوشێوەی نەبووە و دادوەرەکەش پێی وت، ئەو سزایە هێشتا بەس نییە بۆ ئەو. 

کەناڵی ناس کورد لە تێلیگرام جۆین بکە   

 

ساڵی ڕابردوو لەوڵاتی نیوزلەندا کەسێک بەچەکەوە هێرشیکردەسەر نوێژخوێنانى دوو مزگەوت لەو وڵاتەدا و زیاتر لە 50 موسڵمانى کوشت، ئەوەش کاردانەوەیەکی گەورەی لە جیهاندا لێکەوتەوە. 



ئەمڕۆ پێنجشەممە 27ی ئابی 2020، ئاژانسى هەواڵى ڕۆیتەرز بڵاویکردەوە، دادگاى نیوزلەندا سزاى زیندانى کردنى هەتا هەتایى بێ ئازادکردنی بەمەرج بەسەر تاوانبارەکەدا سەپاندووە و سزایەکى لەو شێوەیەش یەکەمجارە لەو وڵاتەدا دەسەپێنرێت.



دادگا بڕیاریشى دا برینتۆن تارانتى تەمەن 29 ساڵی بەڕەگەز ئوسترالى، تاواتبارە لەسەر ئەو تۆمەتانەى کە ڕوبەڕووى کراوەتەوە و تاوانەکەش ئەوەیە، هەستاوە بە کوشتن و تیرۆرکردنى 51 کەس و هەوڵدان بۆ کوشتنى 40 کەسى دیکە کە مانگى ئازارى ساڵى 2019 لەناو دوو مزگەوتى شارى کرایستشریشى نیوزلەندا ئەنجامى دا.

 

بارنابى هۆز، دادوەرى گشتى نیوزلەندا لەدانیشتنى کۆتایى دادگایکردنەکەدا ووتى: " ئەو گەنجەى کە 51 کەسى کوشتووە پلانەکەى بەوردییەوە تاووتوێ کردووە بۆ ئەوەى زۆرترین قوربانیى بکاتە ئامانج". 

 

ئاماژەى بەئەوەشکرد، تاران بەداخ بووە بۆ ئەوەى خەڵکى زیاتر بکوژێت و ئەوەشى ئاشکراکردووە کە دواى تەقەکردنەکە ویستویەتى هەردوو مزگەوتەکەش بسوتێنێت.

 

کامیرۆن ماندەر، دادوەرى دادگاى باڵاى شارەکەش، دەڵێت، سەپاندنى سزا بۆ کاتێکى دیاریکراو بەس نەبوو بۆ تاوانەکە.

 

لەکاتى خوێندنەوەى سزاکەش دا دادوەرەکە وتی: " تاوانەکەت هێندە گەورەیە مرۆڤ دۆشدادەمێنێت گەر تەنانەت تا کۆتایى ژیانت لەزینداندا بیت هێشتا بەس نیە بۆ سزادان و سەرکۆنە کردنت". 

 

وتیشی: " بەپێى هەڵسەنگاندنى من، تۆ بەدەرى لەهەموو سۆزێک لەگەڵ قوربانیەکانت".