گه‌ڕان

Shadow Shadow
سیاسه‌تی

ئاستی هەناردەی نەوتی عێراق لەم مانگەدا 10 ملیۆن بەرمیل کەمیکردووە

2020.08.26 - 18:29
App store icon Play store icon Play store icon
ئاستی هەناردەی نەوتی عێراق لەم مانگەدا 10 ملیۆن بەرمیل کەمیکردووە

ناس کورد-

وەزیری نەوتی عێراق ڕایگەیاند، بەمەبەستی پابەندبوون بە ڕێککەوتنەکەی ( ئۆپێک پڵەس) کە تایبەتە بە کەمکردنەوەی ئاستی بەرهەمهێنانی نەوت، ئەم مانگە عێراق بە قەبارەی 10 ملیۆن بەرمیل ئاستی هەناردەکردنی نەوتی کەمکردووەتەوە.

کەناڵی ناس کورد لە تێلیگرام جۆین بکە   

 

ئەمڕۆ چوارشەممە 26ی ئابی 2020 ئیحسان عەبدولجەبار، وەزیری نەوتی عێراق لە لێدوانێکی ڕۆژنامەوانێدا ڕایگەیاند: "ئامانجمان ئەوەیە لەمانگی ئابدا 75 ملیۆن بەرمیل نەوت هەناردەی دەرەوە بکەین کە ئەو بڕەش بەراورد بە مانگی تەموزی ڕابردووە 10ملیۆن بەرمیل کەمدەکات".

 

وتیشی: " بەپێی ڕێککەوتنی ( ئۆپیێک پڵەس) دەبێت عێراق ڕۆژانە 850 هەزار بەرمیل ڕێژەی هەناردەکردنی نەوتەکەی  کەمبکاتەوە، بەڵام بەهۆی ئەوەی عێراق نەیتوانیوە لە سەرەتای جێبەجێکردنی ڕێککەوتنەکەوە پابەند بێت، بۆیە 400 هەزار بەرمیلی دیکەشی بۆ زیاد کراوە، بەو پێیەش دەبێت عێراق لە مانگی ئابدا ملیۆنێک و 200 هەزار بەرمیل ڕۆژانە ئاستی هەناردەکردنی کەمبکاتەوە".

 

بەگوێرەی داتاکانی وەزارەتی نەوت، لە مانگی تەموزی ڕابردوودا عێراق نزیکەی 85 ملیۆن بەرمیل نەوتی هەناردەی دەرەوە کردووە و کۆی گشتیی داهاتەکەشی نزیکەی سێ ملیار و 400 ملیۆن دۆلاربووە.

 

 ئەمە لە کاتێدایە، دوێنێ ( سێشەممە) وەزیری نەوتی عێراق ڕایگەیاند، وەزارەتەکەی پلانی هەیە سێ بۆری نەوت دروست بکات، ئەوەش بەمەبەستی بەرزکردنەوەی ئاستی هەناردەکردنی نەوتی عێراق بۆ شەش ملیۆن بەرمیل لە ڕۆژێکدا، بەتایبەتی دوای بەردەوامبوونی بەرزبوونەوەی نرخەکەی کە لەئێستادا بە 45 دۆلار مامەڵەی پێوە دەکرێت . 

 

ئاماژەی بەوەشكردبوو: "عێراق ڕۆژانە پێنج ملیۆن بەرمیل نەوت بەرهەمدەهێنێت و بڕیاریشە ئەو ڕێژەیە لەساڵی 2025دا بەرزبێتەوە بۆ حەوت ملیۆن بەرمیل لە ڕۆژێکدا.